যোহন 3:16 - Chakma Bible

¹⁶ “গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 3:16 Iomraidhean Croise

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

পত্থম 22:2

গোজেনে কলঅ, তঅ পুয়োবোরে, এক্কোগুরি পুয়ো ইস্‌হাকরে, যিবেরে তুই এদক্‌ কোচ্‌পাজ্‌ তারে লোইনে তুই মোরিয়া চাগালাত্‌ যাহ্। সিয়েনত্‌ যে মুড়োবো কধা মুই তরে কোম্‌ সিবে উগুরে তুই তারে পুজ্যে-উৎসর্ব ইজেবে উৎসর্ব গর্‌।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

মার্ক 12:6

সিধু পাধেই দিবাত্তে গিরোজ্‌‌সোর্ বানা তার্ কোচ্‌‌‌‌পানার পুয়ো‍‍বো বাগি এলঅ। তে বেগ যেরেদি পুয়োবোরে পাধেই দিলো; ভাবিলোদে, তারা অন্ততঃ মঅ পুয়োবোরে সর্মান গুরিবাক্।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 3:15

যেন যে কেঅ তা উগুরে বিশ্বেজ্ গরে তে উমর জিংকানি পায়।

যোহন 3:18

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

ইফিষীয় 2:4

মাত্তর্ গোজেনে দোয়্যেলোই ভরা; তে আমারে ভারী কোচ্‌পায়।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।