যোহন 3:13 - Chakma Bible

¹³ যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 3:13 Iomraidhean Croise

গম্ উপদেজ্ 30:4

কন্না স্বর্গত্ উঠ্যেগোই আর কন্না লামি এচ্চ্যে? আদ্‌‌তোই মুঠ্ গুরিনে কন্না বোইয়্যের ধোজ্যে? কন্না নিজো কাবড় ভিদিরে বেক্ পানিগান তুবেই রাগেয়্যে? পিত্‌‌থিমীর চেরোকিত্তে শেজ্ দুযিগান কন্না থিদেবর্ গোজ্যে? তা নাঙান্ আর পুয়োবো নাঙান্ কি? যুনি তুই হবর্ পাজ্ সালে সিয়েনি মরে কঅ।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 3:12

মুই তমা ইধু জগদ পৌইদ্যেনে কধা কলে যেক্কে বিশ্বেজ্ ন-গরঅ সেক্কে স্বর্গীয় পৌইদ্যেনে কধা কলে কেধোক্ক্যেন্ গুরি বিশ্বেজ্ গুরিবা?

যোহন 3:31

যিবে উগুরেত্তুন্ এজে তে বেক্কুনো উগুরে। যিবে পিত্‌থিমীত্তুন্ এজে তে পিত্‌থিমীর, আর তে পিত্‌থিমীর কধা কয়। মাত্তর্ যে স্বর্গত্তুন্ এজে তেয়ই বেক্কুনো উগুরে।

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

যোহন 6:42

সেই নেতাগুনে কুয়ো ধুরিলাক্, “ইবে কি যোষেফর্ পুয়ো যীশু নয়? ইবের্ মা-বাবরে দঅ আমি চিনিই। সালে তে কেধোক্ক্যেন্‌গুরি কয়, ‘মুই স্বর্গত্তুন্ লামি এচ্চ্যং’?”

যোহন 6:46

বাবারে কনজনে ন-দেগন্, বানা যে গোজেনত্তুন্ এচ্চ্যে তেয়ই তারে দেক্ক্যে।

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

যোহন 6:62

সালে মান্‌জ্যপুয়োবো আগেদি যিধু এলঅ তারে সিধু উদি যাদে দেগিলে তুমি কি কবা?

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

প্রেরিত্‌ 2:34

দায়ুদে নিজে স্বর্গত্ ন-যায়; মাত্তর্ তে কোইয়্যেদে, প্রভু মঅ প্রভুরে কলঅ, যেদক্কন্ সং মুই তঅ শত্রুগুনোরে তঅ টেঙত্ তলে ন-থং সেদক্কন্ সং তুই মঅ ডেন্ ধাগেদি বচ্।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

রোমীয় 10:6

মাত্তর্ বিশ্বেজর্ মাধ্যমে কেধোক্ক্যেন্ গুরিনে মানুচ্ গোজেনর্ যগাজ্জ্যে অন্ সে পৌইদ্যেনে পবিত্র বোইবোত্ কুয়ো ওইয়্যেদে, “মনে মনে এ কধাগান্ ন-কোইয়ো, ‘কন্না স্বর্গত্ যেবঅ?’ ” ইয়েনর্ মানেগান্ অলঅ, স্বর্গত্তুন্ খ্রীষ্টরে লামেই আনিবাত্যে কন্না স্বর্গত্ যেবঅ?

১ করিন্হীয় 15:47

মাত্তর্ দ্বি লম্বরত্ মানুচ্চো স্বর্গত্তুন্ এচ্চ্যে।

ইফিষীয় 1:23

এ মন্ডলী আজলে খ্রীষ্টর্ কিয়্যেগান। যিবে বেক্কানিত্তুন্ বেক্কানি পুরেই দে সেই খ্রীষ্টর্ পুরেই দেনাগান্ অলঅ এ মন্ডলী।

দ্বি’লম্বর বিররণ 30:12

এ উগুমান স্বর্গত্‌ তুলি রাগানা কনঅ জিনিস নয়, তুমি কবাদে, কন্না স্বর্গত যেইনে সিয়েন আনিনে আমারে শুনেব যেনে আমি সিয়েন পালন গুরি পারিই?