যোহন 2:6 - Chakma Bible

⁶ যিহূদী ধর্মর্ সুদোম্ মজিম্ সিজি অবাত্যে সে জাগানত্ পাত্তরর্ ছোবুয়ো চাড়ি বোজেয়্যে এলঅ। সিগুনোর্ পত্তি চাড়িত্ কমেদি পাচ্‌চল্লিশ লিটার গুরি পানি আঢ্‌ত।

যোহন 2:6 Iomraidhean Croise

লূকে লেখ্যে গম্ হবর্ 16:6

তে কলঅ, দ্বি আজার্ চেরশ লিটার তেল্। সেই চাগর্‌বো তারে কলঅ, যে কাগোজত্ তর্ উদোর কধা লেগা আঘে সিয়েন্ লঅ আর যাদিমাদি বৈইনে এক আজার্ দ্বিশঅ লেগ্।

যোহন 2:7

যীশু সে চাগরুনোরে কলঅ, এ চাড়িগুনোত্ পানি ভোরেই দুয়ো। চাগরুনে সেক্কে চাড়িগুনোত্ পেলেং পেলেং গুরি পানি ভোরেই দিলাক্।

যোহন 3:25

সে সময়োত্ ধর্মর্ সুদোম্ মজিম্ সিজি অনা পৌইদ্যেনে যোহন শিচ্চ্যগুনে এক্কো যিহূদী সমারে তর্কাতর্কি আরাম্ভ গোজ্যন্।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।