যোহন 2:5 - Chakma Bible

⁵ তা মা সেক্কে চাগরুনোরে কলঅ, “তে তমারে যিয়েনি গুরিবাত্তে কয় সিয়েনি গরঅ।”

যোহন 2:5 Iomraidhean Croise

পত্থম 41:55

পেত্‌ পরায়্‌ দুখ্ পেইনে মিসর দেজর মানুচ্চুনে যেক্কে ফরৌণ ইধু যেইনে হানা চেলাক্ সেক্কে ফরৌণে তারারে কলঅ, “তুমি যোষেফ ইধু যঅ । তে তমারে যিয়েন্‌ গুরিবাত্তে কয়্‌, তুমি সিয়েন গরঅ।”

পত্থম 6:22

নোহ সেবাবোত্যে গুরিলো। গোজেনর্ উগুম মজিম্‌ তে বেক্কানি গুরিলো।

যিহিষ্কেল 12:7

মরে যিয়েনি উগুম গরা অলঅ সেবাবোত্যে মুই কাম্ গুরিলুং। দূরোত্ বন্দী ওই যাইদ্যে ধোক্ক্যেন গুরি মুই মর্ পযাপিরানি দিনোত্ নিগিলেই আনিলুং। সে পরেদি সাজোন্যে আঢ্‌‌তোই দেবাল গাত্তো খুড়িলুং। তারা চোগো মুজুঙোত্ আন্ধারত্ মর্ পযাপিরানি মুই কানা উগুরে লোইনে আঢা ধল্লুং।

মথি লেখ্যে গম্ হবর্ 12:46

যীশু যেক্কে মানুচ্চুনো সমারে কধা কর্ সেক্কে তার মাবো আর ভেইয়ুনে তা লগে কধা কবাত্তে বারেদি থিয়্যেই এলাক্।

যোহন 15:14

যেদক্কানি উগুম্ মুই তমারে দুয়োং সিয়েনি যুনি তুমি পালঅ সালে তুমি মঅ সমাজ্যে।

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।

বিচের গুরিয়্যেগুন 13:14

আংগুর গাজত্তুন্‌ যিয়েনি অয় সিয়েনি তে কনকিজু খেই পেদ নয়। আংগুর-রস বা কনঅ মদ অথবা অসিজি কিচ্ছু তে খেই ন-পারিবো। মুই তারে যেদক্কানি উগুম দুয়োং সিয়েনি বেক্কানি তাত্তুন পালা পুরিবো।”

রূত 3:6

যেরেদি তে খামারত্‌ যেইনে তা শুড়ীবো তারে যিয়েনি গুরিবাত্তে কোইয়্যে সিয়েনি বেক্কানি গুরিলো।