যোহন 2:12 - Chakma Bible

¹² সে পরেদি যীশু, তার্ মা, তা ভেইয়ুনে আর তা শিচ্চ্যগুনে কফরনাহূম শঅরত্ গেলাক্, মাত্তর্ তারা ভালোক্ দিন সং সিধু ন-থেলাক্।

যোহন 2:12 Iomraidhean Croise

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

মথি লেখ্যে গম্ হবর্ 12:46

যীশু যেক্কে মানুচ্চুনো সমারে কধা কর্ সেক্কে তার মাবো আর ভেইয়ুনে তা লগে কধা কবাত্তে বারেদি থিয়্যেই এলাক্।

মার্ক 6:3

ইবে কি সেই গাজ মিস্ত্রি নয়? ইবে কি মরিয়ম পুয়োবো নয়? যাকোব, যোষেফ, যিহূদা আর শিমোনর ভেই নয়? তা বোনুন্ কি আমা ইধু নেই?” এবাবোত্যেগুরি যীশুরে নিইনে মানুচ্চুনো মনত্ সন্দেহ এজা ধুরিলো।

যোহন 2:2

সে মেলাত্ যীশু আর তা শিচ্চ্যগুনেয়ো বাত্যেয়োন।

যোহন 4:46

যেরেদি যীশু আরঅ গালীলো সেই কান্না আদামত্ গেলঅ। ইয়েনত্ তে পানিগানরে আংগুর-রস বানেয়্যে। গালীলো কফরনাহূম শঅরত্ এক্কো রাজার্ চাগর অসুগোত্ ভুগের্।

যোহন 6:17

আর নৌকোত্ উদিনে কফরনাহূম শঅরত্ যেবাত্যে সাগর পার্ ওয়া ধল্ল্যাক্। সেক্কে আন্ধার্ ওইয়্যে, আর সেক্কেয়ো যীশু তারা ইধু ন-এজে।

১ করিন্হীয় 9:5

অন্য বেক্‌ প্রচারগ্‌কুনে, প্রভুর ভেইয়ুনে আর পিতরে যেবাবোত্যে নিজোর্ নিজোর্ মোগ্‌কুনোরে লোইনে প্রচারত্ নিগিলে, সেবাবোত্যেগুরি খ্রীষ্ট বিশ্বেজি নিজো মোগ্‌কুনোরে লোইনে প্রচারত্ নিগিলিবার অধিকার কি আমার নেই?

গালাতীয় 1:19

সেক্কে প্রভুর্ ভেই যাকোবে বাদে অন্য কনঅ প্রচারক লগে মর্ দেগা ন-অয়।