যোহন 2:10 - Chakma Bible

¹⁰ “পত্তমে বেক্কুনে গম্ আংগুর-রচ্‌ হেবাত্তে দুয়োন্। সে পরেদি যেক্কে মানুচ্চুনোর্ ঈল্ অয় সং হানা থুম্ অয় সেক্কে যে রচ্‌সান দুয়োন্ সিয়েন আগত্তুন্ এক্কেনা হাদে পান্জা। মাত্তর্ তুই গম্ আংগুর-রচ্‌ এজঅ সং রাগেয়োচ্।”

যোহন 2:10 Iomraidhean Croise

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

মথি লেখ্যে গম্ হবর্ 24:49

সে জুবোত্ তে তার্ সমাজ্যে-চাগরুনোরে মার্‌‌‌পিট্ গরানা আরাম্ভ গুরিলো আর মাত্তলুনো সমারে মদ হা ধুরিলো।

লূকে লেখ্যে গম্ হবর্ 12:45

মাত্তর্ যুনি সেই চাগর্‌‌‌বো নিজে মনে মনে কয় যে, মঅ গিরোজ্‌‌‌সো এত্তে দেরি গরের্। সেই সুযোগত্ যুনি তে অন্য চাগরুনোরে, মিলে আর মরদরে মার্‌‌‌পিট্ গরে, আর হানা-দানা গরানার্ পরেদি মাত্তল্ অলঅ।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

প্রেরিত্‌ 2:15

তুমি মনে গরর্ ইগুনে মাত্তল্ ওইয়োন, মাত্তর্ সিয়েন নয়; কিয়া ইক্কে দঅ বানা বেন্যেমাদান্ নয়টা।

১ করিন্হীয় 11:21

কিয়া তুমি কেঅ কারত্যে বাজ্জ্যে ন-থেইনে হেই ফেলঅ। আর সেক্কে একজনর্ পেট পুরোনাগান্ থেই যায়, আর অন্যজনে মাত্তল্ অয়।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

১ থিষলনীকীয় 5:7

যিগুনে ঘুম যান্ তারা রেদোত্ ঘুম যান্, আর যিগুনে মাত্তল্ অন্ তারা রেদোত্ মাত্তল্ অন্।

ফগদাং পেইয়্যে 17:2

পিত্‌থিমীর রাজাগুনে তা সমারে বেভিচের্ গোজ্জ্যন, আর যিগুনে এ পিত্‌থিমীর সিগুনে তার্ বেভিচারর্ আংগুর-রসে মাত্তল্ ওইয়োন।”

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।