যোহন 19:2 - Chakma Bible

² সৈন্যগুনে কাদা-লুদিলোই এক্কো মুকুট্ বানেইনে যীশু মাঢাবোত্ পিনেই দিলাক্।

যোহন 19:2 Iomraidhean Croise

গীতসংহিতা 22:6

মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্‌‌জ্যে মরে ঈচ্ গুরিদাক্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

যোহন 19:5

যীশু সেই কাদা বলা মুকুট্‌তো আর বিগুনো রঙর্ কাবড়ান্ উজ্যে অবস্থায় বারেদি এলঅ। সেক্কে পীলাতে মানুচ্চুনোরে কলঅ, “এইয়্যে চঅ, সে মানুচ্চো।”