যোহন 18:4 - Chakma Bible

⁴ তা নিজো উগুরে যিয়েনি ঘুদিবো যীশু সিয়েনি বেক্কানি কোই পাত্ত। ইয়েনত্যে তে নিগিলি এইনে সেই মানুচ্চুনোরে কলঅ, “তুমি কারে তগর্?”

যোহন 18:4 Iomraidhean Croise

১ রাজাবলী 18:10

তর্‌ গোজেন জেদা লগেপ্রভুর্‌ নাঙান্‌ ধুরিনে কঙর্‌, এধোক্ক্যেন্ কনঅ জাত্‌ বা রেজ্য বাদ ন-যাই যিয়েনত্‌ মঅ গিরোজ্‌সো তরে তোগেবাত্তে মানুচ্‌ ন-পাদাই। সে বেক্‌ জাদ্‌তুনে বা রেজ্যগানিয়ে যেক্কে ফগদাঙ্‌ গোজ্যে, তুই সিদু নেই সেক্কে তে তারারে দিইনে এ শমক্তান্‌ গুরি নেযেয়্যে, তারা আজলে তরে তোগেইনে ন-পান্‌।

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

গীতসংহিতা 3:6

মঅ বিরুদ্ধে মর্ চেরোকিত্তে আজার আজার মানুচ্ উদিনে থিয়্যেয়োন, মাত্তর্ মুই তারারে ন-দরাং।

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 26:2

“তুমি দঅ হবর্ পঅ আর দ্বিদিন্ পরেদি উদ্ধোর-পরব্, আর মান্‌জ্য পুয়োবোরে ক্রুশোত্ দিবাত্তে ধুরি দিয়্যে অবঅ।”

মথি লেখ্যে গম্ হবর্ 26:21

হেবার্ অক্তত্ তে কলঅ, “মুই তমারে ঘেচ্চেক্‌‍‍‍‍গুরি কঙর্, তমা ভিদিরেত্তুন্ একজনে মরে শত্রুগুনো আঢত্ ধুরি দিবো।”

মথি লেখ্যে গম্ হবর্ 26:31

পরেদি যীশু তা শিচ্চ্যগুনোরে কলঅ, “এচ্চ্যে রেদোত্ মরে নিইনে তমা বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরগ্‌কোরে মারে ফেলেম্, সেক্কে পাল ভেড়াগুন্ ছিদি পড়িবাক্।’

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 13:11

তুমি অবুচ্চ্যই সাব্ আঘঅ, মাত্তর্ বেক্কুনে নয়।” কন্না তারে ধুরি দিবো সিয়েন্ তে হবর্ পেদঅ। সেনত্তে তে কলঅ, “তুমি বেক্কুনে সাব্ নয়।”

যোহন 18:5

তারা কলাক্, “নাসরত যীশুরে।” যীশু তারারে কলঅ, “মুয়ই সিবে।” যীশুরে যে শত্রুগুনো আদত্ ধুরি দিয়্যে সেই যিহূদায়ো তারা সমারে থিয়্যেই এলঅ।

যোহন 18:7

যীশু আরঅ তারারে পুযোর্ গুরিলো, “তুমি কারে তগর্?” তারা কলাক্, “নাসরত যীশুরে।”

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

যোহন 6:64

মাত্তর্ তমা ভিদিরে এমন্‌ কেঅ কেঅ আঘন্ যিগুনে মরে বিশ্বেজ্ ন-গরন্।” কন্না কন্না যীশুরে বিশ্বেজ্ ন-গরন্ আর কন্না বা তারে শত্রুগুনো আঢত্ ধুরি দিবো, যীশু পৌইল্যেত্তুন্ ধুরি সিয়েন্ হবর্ পেদঅ।

প্রেরিত্‌ 2:28

জিংকানির পথ্‌‌তান্ তুই মরে জানেয়োচ্; তইধু থানা মানে হুজিয়্যে ভরা।

১ পিতর 4:1

সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।