যোহন 17:3 - Chakma Bible

³ তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 17:3 Iomraidhean Croise

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 15:3

ইস্রায়েলীয়গুনে ভালোক্‌ দিন ধুরিনে সত্য গোজেন বাদে, শিক্ষ্যে দিবাত্তে ধর্মগুরু বাদে আর রীদি-সুদোম বাদে চলদন্‌।

গীতসংহিতা 9:10

যিগুনে তরে হবর্ পান তারা যেনে তঅ উগুরে বিশ্বেজ্ গরন্, কিয়া ও লগেপ্রভু, যিগুনে তরে গভিন্ গুরিনে জানিবাত্তে চান্ তারারে তুই কনদিন্‌‌অ ছাড়ি ন-যাজ্।

গম্ উপদেজ্ 8:35

কিত্তে যে মরে পায় তে জিংকানি পায় আর লগেপ্রভুত্তুন্ দোয়্যে পায়।

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

মার্ক 9:37

“যে কেঅ মঅ নাঙে ইবে ধোক্ক্যেন্ কনঅ চিগোন্ চিজিবোরে মঅ নাঙে ভালেদি জানায় তে মরে ভালেদি জানায়, আর যে মরে ভালেদি জানায় বানা মরে নয় মাত্তর্ যিবে মরে পাধেয়্যে তারেয়ো ভালেদি জানায়।”

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

যোহন 6:57

জেদা বাবা মরে দিপাধেয়্যে আর তাত্যেই মুই জেদা আঘং। ঠিগ্ সেবাবোত্যেগুরি যে মরে খায় তেয়ো মত্তে জেদা থেবঅ।

যোহন 7:29

তারে তুমি হবর্ ন-পঅ মাত্তর্ মুই হবর্ পাং, কিয়া মুই তাত্তুন্ এচ্চ্যং আর তে মরে পাধেয়্যে।”

যোহন 8:19

ফরীশীগুনে তারে কলাক্, “তঅ বাবা কুধু?” যীশু জোব্ দিলো, “তুমি মরেয়ো ন-চিনো আর মঅ বাবারেয়ো ন-চিনো। যুনি মরে চিনিদা সালে মঅ বাবারেয়ো হবর্ পেদা।”

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

১ করিন্হীয় 8:4

এবেরা মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, জগদত্ মূত্তি আজলে কিচ্চু নয় আর গোজেন্অ বানা একজন বাদে আর নেই।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

২ পিতর 1:2

গোজেন আর আমা প্রভু যীশুরে গমেডালে হবর্ পানালোই তমা উগুরে দোয়্যে আর শান্তি থোক্।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 1:8

যুনি তমার এই বেক্‌ গুণানি থায় আর উগুড়ি পড়ি থায়, সালে আমার প্রভু যীশু খ্রীষ্টরে মূড়োত্ গুরি জানিবার কামত্ তুমি ভালেদ্ অবা।

১ যোহন 1:2

সেই জিংকানিগান ফগদাং ওইয়্যে। আমি তারে দেক্ক্যেই আর তা পৌইদ্যেনে সাক্ষি দির্। যিবে বাব ইধু এলঅ আর আমা ইধু ফগদাং ওইয়্যে সেই উমর জিংকানির কধাগান তমারে জানাঙর্।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

১ যোহন 2:23

পুয়োবোরে যে অস্বীগের্ গরে তা সমারে বাবর্ কনঅ মিল্ নেই, মাত্তর্ পুয়োবোরে যে স্বীগের গরে তা সমারে বাবর্-অ মিল্ আঘে।

১ যোহন 4:6

আমি গোজেনর্; যে গোজেনরে জানে তে আমা কধা শুনে, মাত্তর্ যে গোজেনর্ নয় তে আমা কধা ন-শুনে। ইয়েন্দোই আমি সত্যর্ আত্মাগানরে আর ছলনার্ আত্মাগানরে চিনি পারিই।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।