যোহন 13:8 - Chakma Bible

⁸ পিতরে তারে কলঅ, “তুই কনদিন্‌অ মঅ টেঙানি ধোই ন-দিবে।” যীশু পিতররে কলঅ, “যুনি মুই তরে ধোই ন-দুয়োং সালে মঅ লগে তর্ কনঅ মিলেমিলি নেই।”

যোহন 13:8 Iomraidhean Croise

পত্থম 42:38

মাত্তর্‌ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্‌ যুনি তার্‌ কনঅ দজা অয়্‌ সালে এ বুড়ো বয়জত্‌ বোউত্‌ দুঘে তুমি মরে মরণ জাগাত্‌ পাদেবা।”

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

১ রাজাবলী 12:16

ইস্রায়েলীয়গুনে যেক্কে বুঝিলাক্‌, রাজা তারার্‌ কধানি ন-শুনিবো সেক্কে তারা রাজারে কলাক্‌, “দায়ূদো উগুরে আমার কনঅ দাবি নেই। যিশয়র পূঅবো উগুরে আমার কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ। ও দায়ূদ, ইক্কিনে তর্‌ নিজোর্‌ গুট্টি তুই নিজেই চাহ্‌।” সেনত্তেই ইস্রায়েলীয়গুনে যে যার্‌ ঘরত্‌ ফিরি গেলাক্‌।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

মথি লেখ্যে গম্ হবর্ 16:22

সেক্কে পিতরে তারে এককিত্তেদি নেযেইনে আবিত্তি গুরিনে কলঅ, “প্রভু, ইয়েন্ দূর ওক্। তঅ উগুরে কনদিন্অ এবাবোত্যে ন-অবঅ।”

মথি লেখ্যে গম্ হবর্ 21:29

জোবত্ পুয়োবো কলঅ, ‘মুই ন-যেম্।’ মাত্তর্ পরেদি তে মনান্ ফিরেইনে কামত্ গেলঅ।

মথি লেখ্যে গম্ হবর্ 26:33

সেক্কে পিতরে তারে কলঅ, “তরে নিইনে বেক্কুনো মনত্ মানা এলেয়ো মঅ মনত্ কনদিন্অ মানা ন-এবঅ।”

মথি লেখ্যে গম্ হবর্ 26:35

পিতরে কলঅ, “মত্তুন্ যুনি তঅ সমারে মরায়ো পড়ে তো মুই কনদিন্অ ন-কোম্, মুই তরে ন-চিনোং।” সেক্কেনে অন্য শিচ্চ্যগুনেয়ো বেক্কুনে সেই একই কধা কলাক্।

যোহন 13:6

এবাবোত্যেগুরি যীশু যেক্কে শিমোন-পিতর ইধু এলঅ সেক্কে পিতরে তারে কলঅ, “প্রভু, তুই কি মঅ টেঙানি ধোই দিবে?”

যোহন 13:9

সেক্কে শিমোন-পিতরে কলঅ, “প্রভু, সালে বানা মঅ টেঙানি নয়, মঅ আঢ্‌তানি আর মাঢাবোয়ো ধোই দে।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

কলসীয় 2:18

নিজো কিয়্যেগানরে দুঘ্ দেনা আর স্বর্গদূত্‌তুনোরে উবোসনা গরানা যিগুনে দরকারী বিলিনে মনে গরন্ সিগুনে যেন তমার বক্‌শিজ্ পেবার পধত্ মানা ন-গরন্। এবাবোত্যে মান্‌জ্যে যিয়েন দেক্ক্যন বিলিনে ভান্ গুরিনে সে পৌইদ্যেনে বোউত্ দাঙর্ দাঙর্ কধা কন্ আর এনেবাদে অহংকারে ফুলি উদোন্, কিয়া তারার্ মনানি পাপ-খাচ্চ্যদে ভরা।

কলসীয় 2:23

এ সুদোমানি চাহ্‌দে মনে অয় বেশ্ জ্ঞানে ভরা, কিয়া কেধোক্ক্যেন গুরি উবোসনা গরা যায়, কেধোক্ক্যেন গুরি নিজোরে নিজো গরা যায়, কেধোক্ক্যেন গুরি নিজোর্ কিয়্যেগানরে দুঘ্ দিয়্যে যায়, সিয়েনি এই সুদোমানি মানুচ্চুনোরে জানায়, মাত্তর্ পাপ-খাচ্চ্যদ্‌তানরে দঙানা পৌইদ্যেনে ইয়েনির্ কনঅ দাম্ নেই।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।