যোহন 13:5 - Chakma Bible

⁵ সিয়েন পরেদি তে গাবালাত্ পানি ঢালিনে শিচ্চ্যগুনো টেঙানি ধুয়ো ধুরিলো আর ফার্‌বোত্ বেড়েইয়্যে গান্‌জাকানিগান্দোই সিয়েনি পুযি দিয়্যে ধুরিলো।

যোহন 13:5 Iomraidhean Croise

পত্থম 18:4

মুই এক্কানা পানি আনি দুয়োঙর্‌, তুমি টেঙানি ধোই নেযঅ। সে পরেদি তুমি এ গাজ্‌সো তলাত্‌ কানক্কণ্‌ ঝিরো।

পত্থম 19:2

“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্‌ এজঅ আর আত্‌-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।” জোবত্‌ তারা কলাক্‌, “না, আমি এ শঅর ভিদিরে রেত্তো কাদেবং।”

পত্থম 43:24

সে পরেদি তে বেক্কুনোরে যোষেফ ঘরঅ ভিদিরে নেযেইনে পানি হেবাত্তে দিলো আর তারা টেং ধুয়োলাক্‌। তে তারার্‌ গাধা গুনোরেয়ো হেবাত্তে দিলো।

২ রাজাবলী 3:11

যিহোশাফটে কলঅ, “ইয়েনত্‌ কি লগেপ্রভুর কনঅ ভাববাদী নেই যিবের্‌ মাধ্যমে আমি লগেপ্রভুর ইদু পুযোর্‌ গুরি পারিই?” ইস্রায়েলর রাজার এক্কো কাম্‌গুরিয়্যে জোবত্‌ কলঅ “শাফটর পূয়ো ইলীশায় ইদু আঘে। তে এলিয়োর সেবাগুরিয়্যে এলঅ।”

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

যাত্রা 29:4

সে পরেদি হারোণ আর তার্‌ পূঅগুনোরে মিলন-তাম্বুলোর্‌ দোরান ইদু নেযেবে আর পানিলোই তারার কিয়্যেনি ধোই‌ দিবে।

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 14:8

যিবেরে সুদ্ধো-সাংগ গরা অবঅ তে তার্‌ কাবড়-চুগোরানি ধোয় ফেলেব, কিয়্যেগানর্‌ আর মাদাবোর্‌ বেক্‌ কেশ্‌চানি আর চুলানি কাবিবো আর পানিত্‌ গাদা পুরিবো। সে পরেদি তে সুদ্ধো-সাংগ অবঅ। ইয়েনর্ পরেদি তে ঘরত্‌ চোমে পারিবো মাত্তর্‌ তাত্তুন্‌ সাত দিন সং তার্‌ নিজো ঘরর্‌ বারেন্দি থাহ্‌ পুরিবো।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

লূকে লেখ্যে গম্ হবর্ 7:38

পরেদি তে যীশু পিজেদি তা টেঙ কুরে যেইনে থিয়্যেল আর কানি কানি চোগো পানিয়ে তা টেঙান্ ভিজেল। সে পরেদি তে তার্ মাঢাবো চুলানিলোই তা টেঙান্ পুযি দিলো আর তা টেঙ উগুরে চুমিনে সেই আতরান্ ঢালি দিলো।

লূকে লেখ্যে গম্ হবর্ 7:44

পরেদি যীশু সেই মিলেবো ইন্দি মুয়োন্ ফিরেইনে শিমোনরে কলঅ, “তুই এ মিলেবোরে দঅ দেগর্। মুই তঅ ঘরত্ এজানার্ পরেদি তুই মরে টেঙ্ ধবার্ পানি ন-দুয়োচ্, মাত্তর্ তে চোগো পানিয়ে মঅ টেঙানি ভিজেইনে তা চুলানিলোই পুযি দিয়্যে।

যোহন 13:10

যীশু তারে কলঅ, “যে গাত্ত্যে তার্ টেঙানি বাদে আর কিচ্চু ধবার্ দরকার্ নেই, কিয়া তার্ আর বেক্কানি সাব্ আঘে।

যোহন 13:6

এবাবোত্যেগুরি যীশু যেক্কে শিমোন-পিতর ইধু এলঅ সেক্কে পিতরে তারে কলঅ, “প্রভু, তুই কি মঅ টেঙানি ধোই দিবে?”

যোহন 13:8

পিতরে তারে কলঅ, “তুই কনদিন্‌অ মঅ টেঙানি ধোই ন-দিবে।” যীশু পিতররে কলঅ, “যুনি মুই তরে ধোই ন-দুয়োং সালে মঅ লগে তর্ কনঅ মিলেমিলি নেই।”

যোহন 19:34

মাত্তর্ এক্কো সৈন্য তা বুগোদ্ শেল্লোই গুদো মারিলো, আর সেক্কেনে সিয়োত্তুন লো আর পানি নিগিলি এলঅ।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 5:6

ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

বিচের গুরিয়্যেগুন 19:21

ইয়েন কোইনে বুড়ো মানুচ্চো তা ঘরত্‌ তারারে নেযেল আর তারার গাধাগুনোরে হেবাত্তে দিলো। তারা টেং ধোইনে হানা-দানা গুরিলাক্‌।

১ শমূয়েল 25:41

এ কধাগান শুনিনে অবীগলে মাদিত্‌ মাদা নিগিরি পড়িনে দায়ূদোর নাঙে কলঅ, “মুই তর্‌ চাগরানী; তর্‌ চাগরুনোরে সেবা গুরিবাত্তে আর টেং ধবাত্তে মুই যুক্কোল্‌ আগং।”