যোহন 13:1 - Chakma Bible

¹ উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 13:1 Iomraidhean Croise

গম্ উপদেজ্ 8:31

তা পিতথিমীগান্দোই ফুত্তি গুরিদুং, আহ্ মানুচ্চুনোরে নিইনে হুজি এলুং।

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

মথি লেখ্যে গম্ হবর্ 26:45

পরেদি তে শিচ্চ্যগুনো ইধু এইনে কলঅ, “তুমি কি এজঅ ঘুম যর্ আর জিরোর্? চঅ, সময়বো লুম্মেগি, মান্‌জ্য পুয়োবোরে পাপীগুনো আঢত্ ধুরি দিয়্যে অবঅ।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

যোহন 11:55

সেক্কে যিহূদীগুনোর্ উদ্ধোর্-পরব্ কায়কুরে এচ্চ্যে। পরবর্ আগেদি নিজোরে সিজি গুরিবাত্যে ভালোক্কুন্ মানুচ্ আদামত্তুন্ যিরূশালেমত্ যেয়োন্।

যোহন 12:23

যীশু সেক্কে আন্দ্রিয় আর ফিলিপরে কলঅ, মান্‌জ্য পুয়োবোর্ মহিমাগান্ ফগদাং পেবার্ অক্‌ত এইচ্চ্যে।

যোহন 13:29

কেঅ কেঅ মনে গুরিলাক্, পরবত্যে যিয়েনি দরকার্ যীশু যিহূদারে সিয়েনি কিনি আনিবাত্যে কোইয়্যে বা নাঢা মানুচ্চুনোরে কিজু দিবাত্যে কোইয়্যে, কিয়া তারার্ টেঙা বাক্সুবো যিহূদা ইধু থেদঅ।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 13:34

এক্কান্ নুয়ো উগুম্ মুই তমারে দোঙর্-তুমি একজন আরেকজনরে কোচ্‌পেইয়ো। মুই যেধোক্ক্যেন্ তমারে কোচ্‌পেইয়োং সেধোক্ক্যেন্ তুমিয়ো একজন আরেকজনরে কোচ্‌পেইয়ো।

যোহন 14:28

তুমি শুন্ন্য মুই তমারে কোইয়োং, মুই যাঙল্লোই আরঅ তমা ইধু ফিরি এম্। যুনি তুমি মরে কোচ্‌পেদা সালে মুই মঅ বাবা ইধু যাঙর্ কিনেই হুজী অদা, কিয়া বাবা মত্তুন্-অ দাঙর্।

যোহন 14:31

মাত্তর্ ইয়েন ঘদের্ যেন মানুচ্চুনে কোই পারন্ যে, মুই বাবারে কোচ্‌পাং আর বাবা মরে যেবাবোত্যে উগুম্ দিয়্যে মুই বেক্কানি সেবাবোত্যে গরং। ইক্কে উদো, আমি ইয়োত্তুন যেই।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 17:16

মুই যেধোক্ক্যেন্ এ জগদর্ নয় তারায়ো সেবাবোত্যে এ জগদর্ নয়।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 18:4

তা নিজো উগুরে যিয়েনি ঘুদিবো যীশু সিয়েনি বেক্কানি কোই পাত্ত। ইয়েনত্যে তে নিগিলি এইনে সেই মানুচ্চুনোরে কলঅ, “তুমি কারে তগর্?”

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

যোহন 2:13

যিহূদীগুনোর্ উদ্ধোর-পরব সময় এলে পরেদি যীশু যিরূশালেমত্ গেলঅ।

যোহন 6:4

সেক্কে যিহূদীগুনোর উদ্ধোর্-পরব সময়বো এচ্চ্যে।

যোহন 7:30

ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

যোহন 7:6

সেক্কে যীশু তারারে কলঅ, “মর্ অক্‌ত এজঅ ন-অয়, মাত্তর্ তমার্ দঅ বে-অক্‌ত বিলি কিচ্চু নেই।

যোহন 8:20

উবোসনা-ঘরত্ শিক্ষ্যে দিবার্ অক্তত্ দান্ দিবার জাগানত্ যীশু ইয়েনি বেক্কানি কলঅ। মাত্তর্ সেক্কেয়ো তার্ সময় ন-অয় বিলি কনজনে তারে ন-ধুরিলাক্।

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।