যোহন 12:6 - Chakma Bible

⁶ যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

যোহন 12:6 Iomraidhean Croise

গীতসংহিতা 14:1

যিগুনোর্ মনানি বাজে তারা মনে গরন্দে গোজেন বিলিনে কনজন নেই। তারার্ খাচ্চ্যত্‌তানি বর্‌বাদ ওই যেইয়্যে, তারার্ কামানি জঘন্য; গম্ কাম্ গরন এবাবোত্যে কনঅ মানুচ্ নেই।

গম্ উপদেজ্ 29:7

নাঢা মানুচ্চুনো উগুরে যেন ন্যায় বিচের গরা অয় সিন্দি গোজেন ভক্ত মানুচ্চুনোর চোগ্ আঘে, মাত্তর্ পাজিগুনে ইয়েনি কিচ্চু ন-বুঝোন্।

যিহিষ্কেল 33:31

মঅ মানুচ্চুনে অভ্যেস্ মজিম তইধু এজন্ আর তঅ কধানি শুনিবাত্তে তঅ মুজুঙোত্ বজন্, মাত্তর্ তারা সিয়েনি কামত্ ন-লাগান। মুয়োদি তারা কোচ্‌‌‌‌‌পানার কধা কন মাত্তর্ তারার মনত্ লুভ্‌‌‌‌‌পান থায়। ‌‌‌‌‌

মথি লেখ্যে গম্ হবর্ 21:13

“পবিত্র বোইবোত্ গোজেনে কোইয়্যেদে, ‘মঅ উবোসনা ঘরানরে তবনার্ ঘর কুয়ো অবঅ,’ মাত্তর্ তুমি ইয়েনরে ডাগেদর্ আড্ডাজাগা বানেয়ো।”

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

যোহন 12:5

“এ আতরান্ তিনশত দীনার্‌লোই বেজিনে নাঢা মানুচ্চুনোরে দিয়্যে যেদঅ। কিত্ত্যে সিয়েন্ গরা ন-অলঅ?”

যোহন 13:29

কেঅ কেঅ মনে গুরিলাক্, পরবত্যে যিয়েনি দরকার্ যীশু যিহূদারে সিয়েনি কিনি আনিবাত্যে কোইয়্যে বা নাঢা মানুচ্চুনোরে কিজু দিবাত্যে কোইয়্যে, কিয়া তারার্ টেঙা বাক্সুবো যিহূদা ইধু থেদঅ।

১ করিন্হীয় 6:10

যিগুনে চুর্, লুভী, মাত্তল্, যিগুনে পররে বদ্‌নাঙ্ গরন্ আর যিগুনে জোচ্চোর সিগুনে গোজেন রেজ্যর্ অধিকারী ন-অবাক্।

গালাতীয় 2:10

তারার্ বানা এক্কান কোজোলি এলঅ, আমি যেন নাঢা মানুচ্চুনোর্ কধা মনত্ রাগেই; খালিক্ মর্-অ সেই আওজ্‌চান এলঅ।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

যাকোব 2:2

মনে গরঅ, এক্কো মানুচ্‌ দোল্ কাবড়-চুগোড়্ পিনিনে আর আঢত্ সনার আন্দিক্ পিনিইনে তমা সমাজ-ঘরত্ এলঅ; আরঅ এক্কো নাঢা মানুচ্‌অ এলঅ কাজর্ কাবড়-চুগোড়্ পিনিনে।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?