যোহন 12:11 - Chakma Bible

¹¹ কিয়া লাসারর্ কারনে যিহূদীগুনো ভিদিরে ভালোক্‌জনে নেতাগুনোরে ফেলেইনে যীশু উগুরে বিশ্বেজ্ গুরিলাক্।

যোহন 12:11 Iomraidhean Croise

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 11:45

মরিয়ম ইধু যিদুক্কুন্ যিহূদী এচ্চ্যন্ তারাত্তুন্ ভালোক্‌জনে যীশুর্ এ কামানি দেগিনে তা উগুরে বিশ্বেজ্ গুরিলাক্।

যোহন 11:48

আমি যুনি তারে এবাবোত্যে গুরিবাত্তে দিই সালে বেক্কুনে তা উগুরে বিশ্বেজ্ গুরিবাক্, আর রোমীয়গুনে এইনে আমা উবোসনা-ঘর আর আমা জাদরে ভস্ত গুরি ফেলেবাক্।”

যোহন 12:10

সেক্কে আজল্ ধর্মগুরুগুনে লাসাররেয়ো মারে ফেলেবাক্ বিলি ঠিগ্ গুরিলাক্,

যোহন 12:18

সেনত্তে মানুচ্চুনে যীশুরে অাগ্‌বারেই আনিবাত্যে যেয়োন্, কিয়া তারা শুন্ন্যন্‌দে যীশুই সেই আমক্ অবার্ কামান্ গোজ্যে।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

যোহন 7:31

মাত্তর্ মানুচ্চুনো ভিদিরে ভালোক্‌জনে যীশু উগুরে বিশ্বেজ্ গুরিনে কলাক্, “তে দঅ বোউত্ আমক্ কাম্ গোজ্যে। মশীহ এইনে কি তাত্তুন্-অ বেশ্ আমক্ অবার্ কাম্ গুরিবো?”

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।