যোহন 11:4 - Chakma Bible

⁴ এ কধাগান্ শুনিনে যীশু কলঅ, “এ অসুগ্‌কান্ তার মুরিবাত্তে ন-অয় বরং গোজেনর্ মহিমা ফগদাং গুরিবাত্তে ওইয়্যে, যেন ইয়েনর্ মাধ্যমে গোজেন পুয়োবোর্ মহিমা ফগদাং পায়।”

যোহন 11:4 Iomraidhean Croise

যোহন 10:38

মাত্তর্ যুনি গরং সালে মরে বিশ্বেজ্ ন-গুরিলেয়ো মঅ কামানি অন্তত বিশ্বেজ্ গরঅ। সেক্কে তুমি কোই পারিবা আর বুঝি পারিবা যে, বাবা মঅ সমারে আঘে আর মুই বাবা সমারে আঘং।”

যোহন 11:40

যীশু মার্থারে কলঅ, “মুই কি তরে ন-কং, যুনি তুই বিশ্বেজ্ গরচ্ সালে গোজেনর্ মহিমা দেগিবে?”

যোহন 12:28

বাবা, তঅ মহিমাগান্ ফগদাং গর্।” স্বর্গত্তুন্ সেক্কে এ কধাগান্ শুনো গেলঅ, “মুই মঅ মহিমাগান্ ফগদাং গোজ্যং আহ্ আরঅ সিয়েন্ ফগদাং গুরিম।”

যোহন 17:1

এই বেক্‌ কধানি কনার্ পরেদি যীশু স্বর্গ ইন্দি রিনি চেইনে কলঅ, বাবা, সময় এচ্চ্যে। তঅ পুয়োবোর্ মহিমাগান্ ফগদাং গর্ যেন পুয়োবোয়ো তঅ মহিমাগান্ ফগদাং গুরি পারে।

যোহন 17:10

যিয়েনি মর্ সিয়েনি বেক্কানি তর্ আর যিয়েনি তর্ সিয়েনি বেক্কানি মর্। সিগুনোর্ মাধ্যমে মর্ মহিমাগান্ ফগদাং ওইয়্যে।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

যোহন 8:54

জোবত্ যীশু কলঅ, “মুই যুনি নিজো বাঈনী নিজে গরং সালে সিয়েনর্ কন দাম্ নেই। মঅ বাবা, যিবেরে তুমি তমার্ গোজেন বিলিনে দাবী গরঅ তেয়ই মরে সর্মান দান্ গরে।

যোহন 9:24

যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

যোহন 9:3

যীশু জোব্ দিলো, “পাপ তে নিজেয়ো ন-গরে, তা মা-বাবেয়ো ন-গরে। ইয়েন্ ওইয়্যে যেন গোজেনর্ কামানি তারে দিইনে ফগদাং অয়।

রোমীয় 11:11

সালে যিহূদীগুনে উজোট্ খেইনে কি জনমত্তে পড়ি গেলাক্? নিচ্চোই নয়, মাত্তর্ তারার্ পাপত্যে অযিহূদীগুনে উদ্ধোর্ পেবার্ জু পেলাক্ যেন যিহূদীগুনে আয়োজে জাগি উদোন্।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।