যোহন 10:6 - Chakma Bible

⁶ সেই ফরীশীগুনোরে শিক্ষ্যে দিবাত্যে যীশু এ কধাগান্ কলঅ মাত্তর্ তে যে কি কোইয়্যে সিয়েন্ তারা ন-বুঝিলাক্।

যোহন 10:6 Iomraidhean Croise

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

মথি লেখ্যে গম্ হবর্ 13:34

যীশু হিত্ত্যবোর্ মাধ্যমে মানুচ্চুনোরে এই বেক্ শিক্ষ্যেনি দিলো। তে হিত্ত্য ন-কোইনে কনঅ শিক্ষ্যে তারারে ন-দিদো।

মথি লেখ্যে গম্ হবর্ 13:51

ইয়েনর পরেদি যীশু তা শিচ্চ্যগুনোরে পুযোর্ গুরিলো, “তুমি কি ইয়েনি বেক্কানি বুঝি পাজ্জ্য?”

মার্ক 4:34

হিত্ত্য বাদে তে তারারে শিক্ষ্যে ন-দিদো, মাত্তর্ শিচ্চ্যগুনে যেক্কে তা সমারে গায় গায় থেদাক্ সেক্কে তে বেক্কানি তারারে বুঝেই দিদো।

যোহন 16:25

“এ বেক্‌ শিক্ষ্যের্ কধানি মুই তমা ইধু তুলোনা দিইনে কলুং। মাত্তর্ এমন্‌ অক্‌ত এজের্ যেক্কে মুই আর তুলোনা দিইনে তমা ইধু কধা ন-কোম্, মাত্তর্ খুলোমেলা গুরি বাবা পৌইদ্যেনে কোম্।

যোহন 16:29

সেক্কে তা শিচ্চ্যগুনে তারে কলাক্, “চাহ্, ইক্কে দঅ তুই খুলোমেলা গুরি কধা কর্, তুলোনা দিইনে ন-কর্।

যোহন 6:52

এ কধাগান্ শুনিনে যিহূদী নেতাগুনো ভিদিরে তর্কাতুর্কি আরাম্ভ অলঅ। তারা কুয়ো ধুরিলাক্, “কিবাবোত্যেগুরি এ মানুচ্চো তা কিয়্যেগান্ আমারে হেবাত্তে দি পারে?”

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

যোহন 7:36

তে যে কলঅ, ‘তুমি মরে তোগেবা মাত্তর্ ন-পেবা, আর মুই যিধু থেম্ তুমি সিধু এইয়ো ন-পারিবা,’ এ কধাগানর্ অত্তগান্ কি?”

যোহন 8:27

তারা ন-বুঝিলাক্ যীশু স্বর্গর্ বাবা পৌইদ্যেনে তারা ইধু কর্।

যোহন 8:43

কিত্ত্যে তুমি মঅ কধা ন-বুঝো? সিয়েনর্ কারনান্ ইয়েন্, তুমি মঅ কধানি সোজ্য গুরি ন-পারঅ।

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

২ পিতর 2:22

তারা পৌইদ্যেনে এই ঢাগঅ কধাগান সত্য ওইনে উঠ্যে, “কুগুরে নিজো ওগোল্ল্যে ইন্দি ফিরোন্,” আর, “শুগররে ধলেয়ো তে পেগত্ গজ্জায়।”

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।