যোহন 10:4 - Chakma Bible

⁴ তা নিজোর্ বেক্‌ ভেড়াগুন্ নিগিলেবার্ পরেদি তে সিগুনোর্ আগে আগে যায়, আর ভেড়াগুন্ তা পিজে পিজে যান্ কিয়া সিগুনে তা ডাগনিগান্ হবর্ পান্।

যোহন 10:4 Iomraidhean Croise

পরমগীত 2:8

উই শুন্, মঅ পরাণ্যের্ রবো, উই চাহ্, তে এজের্; তে মুড়ো-মুড়ি উগুরেদি ফাল্যে ফাল্যে এজের্।

পরমগীত 5:2

মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 10:3

ভেড়া ঘরান্ যে চুগিদে তে সেই ভেড়া গরগ্‌কোরে দুয়োরান্ খুলি দে। ভেড়াগুনে তা ডাগনি শুনোন্, আর সেই ভেড়া গরগ্‌কো তা নিজো ভেড়াগুনোর্ নাঙানি ধুরি ডাগিনে বারেদি নেযায়।

যোহন 10:5

তারা কনদিন্অ নচিন্যে মান্‌জ্যর্ পিজেদি ন-যেবাক্ বরং তাত্তুন্ ধেই যেবাক্, কিয়া তারা অচেনা মান্‌জ্যর্ রঅ ন-চিনোন্।”

যোহন 10:8

মঅ আগেদি যিগুনে এচ্চ্যন্ তারা বেক্কুনে চুর্ আর ডাগেত্, মাত্তর্ ভেড়াগুনে সিগুনোর্ কধা ন-শুনোন্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 13:15

মুই তমা ইধু ইয়েন্ গুরি দেগেয়োং, যেন তমা উগুরে মুই যিয়েন্ গুরিলুং তুমিয়ো সিয়েন্ গরঅ।

যোহন 18:37

পীলাতে যীশুরে কলঅ, “সালে তুই কি রাজা?” যীশু কলঅ, “তুই ঠিগই কোইয়োচ্ যে, মুই রাজা। সত্যর্ পক্ষে সাক্ষি দিবাত্যে মুই জোর্মেয়োং আর সেনত্তে মুই জগদত্ এচ্চ্যং। যে কেঅ সত্যর্ তে মঅ কধা শুনে।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

১ করিন্হীয় 11:1

মুই যেবাবোত্যেগুরি খ্রীষ্ট ধোক্ক্যেন চলঙর্ তুমিয়ো সেবাবোত্যেগুরি মঅ ধোক্ক্যেন চলঅ।

ইফিষীয় 5:1

গোজেনর্ কোচ্‌‌‌‌‌‌পেইয়্যে পুয়ো ইজেবে তুমি গোজেন ধোক্ক্যেন গুরি চলঅ।

দ্বি’লম্বর বিররণ 1:30

তমার গোজেন লগেপ্রভু তমা আগে আগে যার্‌। তে তমার্‌ চোগো মুজুঙোত্‌ মিসর্‌ দেজত্‌ আর ধূল্যেচর-চাগালাত্ যেধোক্ক্যেন তমার্‌ ওইনে যুদ্ধো গোজ্যন্‌ ইক্কিনেয়ো সেধোক্ক্যেন গুরিবাক্‌। তুমি দঅ দেখ্য, বাপ্পো যেধোক্ক্যেন পূঅবোরে করত্‌ গুরি নেযায় সেধোক্ক্যেন গুরি এই জাগানত্‌ ন লুমোনা সং তমার গোজেন লগেপ্রভুয়ো গোদা পথতান্‌ তমারে বুয়োই আন্যে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

১ পিতর 2:21

ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,

১ পিতর 4:1

সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।