যোহন 1:9 - Chakma Bible

⁹ তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 1:9 Iomraidhean Croise

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

লূকে লেখ্যে গম্ হবর্ 11:36

তঅ পুরো কিয়্যেগান্ যুনি পহ্‌‌রে ভুরি যায় আর এক্কেনায়ো আন্ধার্ ন-থায় সালে সিয়েন্ বেক্কান্ পহ্‌‌র অবঅ, ঠিগ্ যেবাবোত্যে চেরাগ পহ্‌‌র তঅ উগুরে পড়িলে তঅ কিয়্যেগান্ পহর্ অয়।”

যোহন 1:4

তা ভিদিরে জিংকানি এলঅ আর সেই জিংকানিগান্ এলঅ মান্‌জ্যর পহর্।

যোহন 1:7

তে পহ্‌র পৌইদ্যেনে সাক্ষী ইজেবে সাক্ষি দিবাত্যে এচ্চ্যে যেনে বেক্কুনে তা সাক্ষিগান্ শুনিনে বিশ্বেজ্ গুরি পারন্।

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 15:1

মুয়ই আজল্ আংগুর্ গাজ্ আর মঅ বাপ্পো গিরোজ্।

যোহন 6:32

যীশু তারারে কলঅ, “মুই তমারে ঘেচ্চ্যেক্‌গুরি কঙর্, স্বর্গত্তুন্ যে রুটিগানি তুমি পেইয়ো সিয়েনি মোশি তমারে ন-দে, মাত্তর্ মঅ বাপ্পো আঝল্ রুটি স্বর্গত্তুন্ তমারে দের্।

যোহন 7:12

ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

১ যোহন 1:8

আমি যুনি কোই আমা ভিদিরে পাপ নেই সালে আমি নিজোরে ফাকি দিই। সেক্কে ইয়েনই বুঝো যায় যে, আমা মন ভিদিরে গোজেনর্ সত্যগান নেই।

১ যোহন 2:8

মাত্তর্ এই যে উগুমানর্ কধা ইক্কিনে আমি তমা ইধু লিগির্ সিয়েন পুরোণি অলেয়ো নূয়ো। এই উগুমানর্ সত্যগান যীশু খ্রীষ্ট ভিদিরে আর তমা জিংকানিত্ দেগা যেইয়্যে, কিয়া আন্ধারান কাদা যার্ আর সেই আজল্ পহ্‌রান ইক্কিনে জ্বলের্।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।