যোহন 1:51 - Chakma Bible

⁵¹ পরেদি যীশু কলঅ, “মুই তমারে ঘেচ্চ্যেক্‌গুরি কঙর্, তুমি স্বর্গগান্ খুলো দেগিবা, আর দেগিবা গোজেনর্ দূত্তুনে মান্‌জ্য পুয়োবোর্ কায় কুরেত্তুন্ উদোদন্ আর তা কায়কুরে লামদন্।”

যোহন 1:51 Iomraidhean Croise

পত্থম 28:12

তে স্ববনত্‌ দেগিলোদে মাদি উগুরে এক্কান সাঙু অজল্ গুরি আঘে আর সিয়েন মাদাবো যেইনে স্বর্গত্‌ লুম্মেগোই। তে দেগিলোদে গোজেন দূত্তুনে সিয়েন উগুরেন্দি উজোল্-লামন্‌ গত্তন,

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

মথি লেখ্যে গম্ হবর্ 3:16

বাপ্তিষ্ম লনার্ পরেদি যীশু পানিত্তুন্ উদি এজানার লগে লগে তা মুজুঙোত্ আগাজ্‌চান খুলি গেলঅ। তে গোজেনর আত্মাগানরে কোদোর ধোক্ক্যেন্ ওইনে তা উগুরে লামি এত্তে দেগিলো আর পহর্ অলঅ।

মথি লেখ্যে গম্ হবর্ 4:11

সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

মথি লেখ্যে গম্ হবর্ 9:6

তুমি যেন কোই পারঅ এই পিত্‌‍থিমীত্ পাপ খেমা গুরিবার খেমতা মান্‌জ্য পুয়োবোর্ আঘে”-ইদ্দুর্ সং কোইনে তে সেই বেসৎ-পীড়েল্যেবোরে কলঅ, “উঠ্, তঅ বিচ্ছোনান্ তুলিনে ঘরত্ যাহ্।”

মার্ক 1:10

পানিত্তুন্ উদি এজানার্ লগে লগে যীশু দেগিলোদে, আগাজ্‌চান ফাদি যেইয়্যে আর পবিত্র আত্মা কোদোর ধোক্ক্যেন্ ওইনে তা উগুরে লামি এলঅ।

মার্ক 14:62

যীশু কলঅ, “মুয়ই সিবে। তুমি বেগত্তুন্ খেমতাবলা গোজেনর ডেনেদি মান্‌জ্য পুয়োবোরে বুয়োই থাদে দেগিবা আর আগাজত্ মেঘ সমারে এত্তে দেগিবা।”

লূকে লেখ্যে গম্ হবর্ 2:13

এ সময়োত্ সেই স্বর্গদূত্তুনো সমারে আদিক্ক্যেগুরি সিধু আরঅ বোউত্ স্বর্গদূতোরে দেগা গেলঅ। তারা গোজেনরে নাঙ্ গিণোদে গিণোদে কুয়ো ধুরিলাক্।

লূকে লেখ্যে গম্ হবর্ 2:9

এমন্ সময়োত্ প্রভুর এক্কো দূত আদিক্ক্যেগুরি তারা মুজুঙোত্ এলঅ। সেক্কে প্রভুর মহিমা তারার্ চেরোকিত্তে জোল্‌জোল্যে গুরি দেগা দিলো। ইয়েন্দোই গরগ্‌কুনে অমকদ দোরেলাক্।

লূকে লেখ্যে গম্ হবর্ 22:43

সেক্কে স্বর্গত্তুন্ এক্কো দূত এইনে যীশুরে খেমতা দান গুরিলো।

লূকে লেখ্যে গম্ হবর্ 22:69

মাত্তর্ মান্‌জ্যপুয়োবো ইক্কেত্তুন্ ধুরি বেগত্তুন্ খেমতাবলা গোজেনর্ ডেনেদি বৈই থেবঅ।”

লূকে লেখ্যে গম্ হবর্ 24:4

যেক্কে তারা আমক্ ওইনে সে পৌইদ্যেনে ভাবদন্ সেক্কে দেবা ঝিমিলেনি ধোক্ক্যেন্ জ্বোল্‌‌জোল্ল্যে কাবড় উজ্যে দ্বিজন্ মানুচ্‌ তারা কায় কুরে এইনে থিয়্যেলাক্।

লূকে লেখ্যে গম্ হবর্ 3:21

যিদুক্কুন্ মানুচ্ যোহন ইধু এচ্চ্যন্ তারা বাপ্তিষ্ম লবার্ অক্তত্ যীশুয়ো বাপ্তিষ্ম ললঅ। বাপ্তিষ্মর্ পরেদি যীশু যেক্কে তবনা গরের্ সেক্কে আগাচ্চান্ খুলি গেলঅ।

যোহন 1:50

যীশু তারে কলঅ, “তরে সেই ডোমোর্ গাজ তলে দেক্ক্যং, এ কধাগান্ কোইয়োং বিলি বিশ্বেজ্ গুরিলে? ইয়েনত্তুন্ বেশ্ আরঅ দাঙর্ কাম্ তুই দেগিবে।”

যোহন 10:1

“মুই তমারে ঘেচ্চ্যেক্‌গুরি কঙর্, যে কেঅ ভেড়া-ঘর দুয়োরানদি ন-সুমিনে অন্য কিত্ত্যেদি সমায় তে চুর্ আর ডাগেত্।

যোহন 10:7

সেনত্তে যীশু আরঅ কলঅ, মুই তমারে ঘেচ্চ্যেক্‌ গুরি কঙর্, ভেড়াগুনোত্যে মুয়ই দুয়োরান্।

যোহন 13:16

মুই তমারে ঘেচ্চ্যেক্‌গুরি কঙর্, চাগর্ তা গিরোজত্তুন্ দাঙর্ নয়। যিবেরে দিপাধা ওইয়্যে তে তাত্তুন্ দাঙর্ নয় যে তারে দিপাধেয়্যে।

যোহন 13:38

সেক্কে যীশু কলঅ, “ঘেচ্চেক্‌গুরি কি তুই মত্যে তঅ পরাণান্ দিবে? মুই তরে ঘেচ্চেক্‌গুরি কঙর্, রাদা কুরো ডাগ্ কারিবার্ আগেদি তুই তিনবার্ কবে, তুই মরে ন-চিনোচ্।”

যোহন 14:12

মুই তমারে ঘেচ্চ্যেক্‌গুরি কঙর্, কেঅ যুনি মঅ উগুরে বিশ্বেজ্ গরে সালে মুই যেদক্কানি কাম্ গোজ্যং তেয়ো সিয়েনি গুরিবো। আর মুই বাবা ইধু যাঙর্ বিলি তে ইয়েনিত্তুন্ আরঅ দাঙর্ দাঙর্ কাম্ গুরিবো।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যোহন 16:23

সেদিন্ন্যে তুমি মরে কনঅ কধা পুযোর্ ন-গুরিবা। মুই তমারে ঘেচ্চ্যেক্‌গুরি কঙর্, তুমি মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 21:18

মুই তরে ঘেচ্চ্যেক্‌গুরি কঙর্, তুই যেক্কে গাবুর্ এলে সেক্কে তুই নিজে তর্ ফার্‍বো বানিদ্যে আর যিধু মনে কয় সিধু যেদে। মাত্তর্ যেক্কে তুই বুড়ো অবে সেক্কে তুই তঅ আঢ্‌তান্ বাবেই দিবে আর অন্য একজনে তরে বানিবো আর তুই যিধু যেবার্ ন-চাজ্ সিধু নেযেব।”

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

যোহন 6:26

যীশু জোব্ দিলো, মুই তমারে ঘেচ্চ্যেক্‌গুরি কঙর্, তুমি আমক্ অবার্ কাম্ দেক্ক্য বিলি যে মরে তগর্ সিয়েন নয়, মাত্তর্ পেট্ ভরে সং রুটি হেই পেইয়ো বিলি তগর্।

যোহন 6:32

যীশু তারারে কলঅ, “মুই তমারে ঘেচ্চ্যেক্‌গুরি কঙর্, স্বর্গত্তুন্ যে রুটিগানি তুমি পেইয়ো সিয়েনি মোশি তমারে ন-দে, মাত্তর্ মঅ বাপ্পো আঝল্ রুটি স্বর্গত্তুন্ তমারে দের্।

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

যোহন 6:53

যীশু তারারে কলঅ, “মুই তমারে ঘেচ্চ্যেক্‌গুরি কঙর্, মান্‌জ্যপুয়োবোর্ য়েরাগান্ আর লো-গান্ যুনি তুমি ন-খঅ সালে তমা ভিদিরে জিংকানি নেই।

যোহন 8:34

যীশু তারারে ইয়েন্ কলঅ, “মুই ঘেচ্চ্যেক্‌গুরি তমারে কঙর্, যিগুনে পাপত্ পরি থান্ সিগুনে বেক্কুনে পাপর চাগর্।

যোহন 8:51

মুই তমারে ঘেচ্চ্যেক্‌গুরি কঙর্, কেঅ যুনি মঅ কধা মজিম চলন্ সালে তে কনদিন্অ ন-মুরিবো।”

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

প্রেরিত্‌ 10:11

সে অবস্থায় তে দেগিলো, আগাজ্‌চান খুলো যেইয়্যে আর দাঙর্ কাবড় ধোক্ক্যেন্ কনঅ এক্কান জিনিজরে চের্‌বো কণা ধুরিনে পিত্‌থিমীত লামেই দিয়্যে অর্।

প্রেরিত্‌ 7:56

“চঅ, মুই দেগঙর্ স্বর্গগান খুলো আঘে আর গোজেনর্ ডেনেদি মান্‌জ্যপুয়োবো থিয়্যেই আঘে।”

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”