যোহন 1:41 - Chakma Bible

⁴¹ আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

যোহন 1:41 Iomraidhean Croise

২ রাজাবলী 7:9

যেরেন্দি তারা তারে তে কলাক্‌, “আমা কামান্‌ দোল্‌ ন-অর্‌। এচ্ছে এক্কো গম্‌ হ্‌বরর দিন আর আমি কাররে কিচ্ছু ন-কোইনে অলর্ গুরি আগিই। আমি যুনি বেন্যেমাদান্ সং দেরি গুরিই সালে সাজাগান আমা উগুরে লামি এবঅ। আদঅ, আমি ইক্কিনে যেইনে রাজঘরত্‌ হবরান জানেই।”

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

গীতসংহিতা 89:20

মর্ চাগর দায়ূদোরে মুই তোগেইনে পেয়োং; মর্ সুদ্ধো-সাংগ তেল্‌লোই তারে অভিষেগ্ গোজ্যং।

যিশাইয় 11:2

তা উগুরে থেবদে লগেপ্রভুর আত্মাগান্, জ্ঞান আর বুঝিবার আত্মাগান্, সল্লা আর খেমতার আত্মাগান্, বুদ্ধি আর লগেপ্রভু উগুরে ভোক্তিবলা দর্ গরানার আত্মা।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

লূকে লেখ্যে গম্ হবর্ 2:17

তারা ইধু সেই চিগোন্ চিজিবো পৌইদ্যেনে যিয়েনি জানা ওইয়্যে, চিগোন্ চিজিবোরে দেগানার্ পরেদি তারা সিয়েনি কলাক্।

লূকে লেখ্যে গম্ হবর্ 2:38

তেয়ো ঠিগ্ সে অক্তত্ উজেই এইনে গোজেনরে ভালেদি জানা ধুরিলো, আর গোজেনে যিরূশালেমরে উদ্ধোর্ গুরিবো বিলি যিগুনে বাজ্জেই আগন্ তারা ইধু সেই পুয়োবোর্ কধা কুয়ো ধুরিলো।

যোহন 1:45

ফিলিপ নথনেলরে তোগেই পেইনে কলঅ, “মোশি যিবে কধা রীদি-সুদোম লিগি যেইয়্যে আর যিবে পৌইদ্যেনে ভাববাদীগুনেয়ো লেখ্যন্ আমি তার্ দেগা পেইয়্যেই। তে যোষেফর্ পুয়ো যীশু, নাসরত আদাম মানুচ্‌।”

যোহন 4:25

সেক্কে সে মিলেবো কলঅ, “মুই কোই পারং, মশীহ, যিবেরে খ্রীষ্ট কন্, তে এজের্। তে যেক্কে এবঅ সেক্কে বেক্কানি আমারে জানেব।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।