যোহন 1:18 - Chakma Bible

¹⁸ গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 1:18 Iomraidhean Croise

পত্থম 16:13

এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

পত্থম 18:33

অব্রাহাম লগে কধা কনা থুম্‌ গুরিনে লগেপ্রভু সিয়েনত্তুন্‌ আঢি গেলগোই আর অব্রাহামেয়ো তা ঘরত্‌ ফিরি গেলঅ।

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

গম্ উপদেজ্ 8:30

সেক্কেনে মুয়ই কালিগর্ ইজেবে তা কায়কুরে এলুং। দিনকে দিন মুই খুজি ওইনে তা মুজুঙোত্ নিত্য ফুত্তি গুরিদুং;

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

আবিলেচ্ 2:12

তারা তারার্ মাগুনোরে কন্, “রুটি আর আংগুর-রস কুদু?” ইয়েন কোইনে তারা শঅরর্ খুলো জাগায়ানিত্ আহত মান্‌‌জ্য ধোক্ক্যেন অজ্ঞান ওই পোজ্যন; মা করত্ তারার্ জিংকানিগানি শেজ্ ওই যার্।

গণাণা 12:8

মুই তা সমারে মুজুঙো-মুজুঙি দোলেডালে কধা কং, কনঅ ভানালোই নয়। লগেপ্রভু যেধোক্ক্যেনগুরি দেগা দে তে সিয়েন্‌ দেগে। ইয়েনর পরেদিয়ো তুমি মর্‌ চাগর্‌ মোশির্‌ বিপক্ষে কধা কধে ন-দোরেলা?”

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

যোহন 13:23

তারাত্তুন্ যীশু যিবেরে কোচ্‌পেদ তে যীশুর কায়কুরে এলঅ।

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”

যোহন 17:6

জগদ ভিদিরেত্তুন্ যিগুনোরে তুই মরে দুয়োচ্ মুই তারা ইধু তরে ফগদাং গোজ্যং। তারা তরই এলাক্, আর তুই তারারে মত্তে দুয়োচ্। তারা তঅ কধা মানিনে চলদন্।

যোহন 3:11

তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 6:46

বাবারে কনজনে ন-দেগন্, বানা যে গোজেনত্তুন্ এচ্চ্যে তেয়ই তারে দেক্ক্যে।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

দ্বি’লম্বর বিররণ 4:12

সে সলাবোত্‌ আগুনো ভিদিরেত্তুন্‌ লগেপ্রভু তমা ইদু কধা কোইয়্যে। তুমি তা কধানি শুন্ন্য মাত্তর্‌ কনঅ চেঙারা ন-দেগঅ, বানা রঅবো শুন্ন্য।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।

১ যোহন 4:20

যে কয় তে গোজেনরে কোচ্‌পায় অদচ তা ভেইবোরে ঘিনায় তে মিজেমাদিয়্যে; কিয়া চোগেদি দেক্ক্যে ভেইয়োরে যে কোচ্‌ ন-পায় তে অদেগা গোজেনরে কেধোক্ক্যেন গুরি কোচ্‌পেই পারে?

১ যোহন 4:9

আমা উগুরে গোজেনর্ কোচ্‌পানা এবাবোত্যে গুরি ফগদাং ওইয়্যে তে তার্ বানা এক্কোগুরি পুয়োরে এই জগদত্ দিপাধেল যেন আমি তারে দিইনে জিংকানি পেই।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।