যোহন 1:12 - Chakma Bible

¹² মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 1:12 Iomraidhean Croise

২ শমূয়েল 7:24

তর্‌ মানুচ্‌ ইস্রায়েলীয়গুনোরে তুই নিজোর নাঙে জিংকানিবর্‌ তর্‌ নিজো মানুচ্‌ অবাত্তে থিদেবর্ গোজ্যস্‌, আর তুই, ও লগেপ্রভু, তুই তারার্‌ গোজেন্‌ ওইয়োচ্‌।

যিশাইয় 56:5

মাত্তর্ তারার ঝি-পুয়োগুন থেলে যে নাঙানি থেদঅ তারাত্তুন্ মঅ ঘরান আর দেবাল ভিদিরে তারা নাঙানি থিদেবর্ গুরিনে সিয়েনি মুই আরঅ ইদোত্ থাই পারা রাগেম। মুই তারারে এমন্ উমরর্ নাঙ্ দিম যিয়েনি পুজি ফেলা ন অবঅ।

যিরমিয় 3:19

“মুই নিজে কোইয়োং, ‘মুই পুয়ো ইজেবে তমারে গুজি লোম্ আর চাইদ্যে ধোক্ক্যেন এক্কান দেজ্, জাদ্‌তুনো ভিদিরেত্তুন্ বেগত্তুন দোল্ এক্কান অধিকার তমারে দিম্।’ মুই মনে গোজ্যংগে তুমি মরে বাপ্ বিলি ডাগিবা আর মঅ পিজেদি আঢানাত্তুন্ ফিরি ন-যেবা।‌

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

মথি লেখ্যে গম্ হবর্ 10:40

“যে তমারে ভালেদি জানায় তে মরে ভালেদি জানায়; আর যে মরে ভালেদি জানেইনে যিবে পাধেয়্যে তে তারে ভালেদি জানায়।

মথি লেখ্যে গম্ হবর্ 12:21

তা উগুরে অযিহূদীগুনে আজা রাগেবাক্।

মথি লেখ্যে গম্ হবর্ 18:5

আর যে কেঅ ইবে ধোক্ক্যেন্ কনঅ চিগোন্ গুরোরে মঅ নাঙে ভালেদি জানায় তে মরে ভালেদি জানায়।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 1:7

তে পহ্‌র পৌইদ্যেনে সাক্ষী ইজেবে সাক্ষি দিবাত্যে এচ্চ্যে যেনে বেক্কুনে তা সাক্ষিগান্ শুনিনে বিশ্বেজ্ গুরি পারন্।

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:18

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

প্রেরিত্‌ 3:16

এই যে মানুচ্চোরে তুমি দেগর্ আর যিবেরে তুমি চিনো, যীশু উগুরে বিশ্বেজর্ কারনে, যীশু নাঙর্ গুণে সে খেমতাগান পেইয়্যে। যীশুর মাধ্যমে যে বিশ্বেজ্‌চান এজে সেই বিশ্বেজ্‌চানই তমা বেক্কুনো মুজুঙোত্ তারে পুরোপুরি গুরি গম্ গুরি তুল্ল্যে।

রোমীয় 8:14

কিয়া যিগুনে গোজেনর্ আত্মার্ পরিচালনায় চলন্ সিগুনে গোজেনর্ পুয়ো।

রোমীয় 8:16

পবিত্র আত্মাগানেয়ো নিজে আমা মনত্ এই সাক্ষিগান দেত্তে যে, আমি গোজেনর্ পুয়ো।

রোমীয় 8:19

গোজেনর্ পুয়োগুনে কক্কে সেই মহিমায় ফগদাং পেবাক্ সিয়েনত্তে বেক্ প্রাণিগুনে আওজ্ গুরিনে বাজ্জেই আঘন্,

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 4:6

তুমি পুয়ো বিলিনে গোজেনে তার্ পুয়োবোর্ আত্মাগানরে তমা মনত্ থেবাত্যে পাধেই দিয়্যে। সেই আত্মাগানে গোজেনরে বাবা অত্তাৎ বাপ্ বিলিনে ডাগে।

কলসীয় 2:6

তুমি যেবাবোত্যেগুরি খ্রীষ্ট যীশুরে প্রভু ইজেবে মানি লোইয়ো ঠিগ সেবাবোত্যেগুরি তা সমারে মিজেইনে তমা জিংকানিগানি কাদঅ।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।