যিরমিয় 9:9 - Chakma Bible

⁹ মুই কি ইয়েনত্তে তারারে সাজা ন-দিম? এবাবোত্যে জাদ উগুরে কি মুই নিজেই হেনা ন-সুজিম?”

যিরমিয় 9:9 Iomraidhean Croise

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 57:6

ও ইস্রায়েল, তুই লাঙেল সং পাত্তরুন্ পূজো গরচ্; সিগুন, সিগুনই তর্ সোম্বোত্তি। অয়, সিগুনো ইদু তুই ঢাল্যে-উৎসর্ব ঢালি দুয়োচ্ আর শোজ্য-উৎসর্ব গোজ্যস্। ইয়েনি দেগিনে কি মুই জুরো গুরি থেম্?

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 4:25

মুই রিনি চেলুং, সিয়েনত্ কনঅ মানুচ্ নেই; আগাজর্ বেক্ পেগ্‌কুনে উড়ি যেইয়োন। ‌‍

যিরমিয় 5:29

ইয়েনত্তে মুই কি তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্? মুই লগেপ্রভু এ কধাগান কঙর্।

যিরমিয় 5:9

মুই লগেপ্রভু পুযোর্ গরঙর্, ইয়েনত্তে কি মুই তারারে সাজা ন-দিম্? মুই কি এবাবোত্যে জাদ উগুরে হেনা ন-সুজিম্?

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:19

ও লগেপ্রভু, মুই তরে ডাগঙর্, কিত্যে চরি হেবার্ জাগায়ানি আগুনে গিলি ফেলেয়্যে আর আগুনো জিলে পুড়ি ফেলেয়্যে মাদর্ বেক গাজ্-বাজ্‌চুন।

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”