যিরমিয় 9:5 - Chakma Bible

⁵ সমাজ্যে সমাজ্যেরে ঠগায় আর কনজনে সত্য কধা ন-কন। তারা তারার জিলানরে মিজে কধা কবাত্তে শিগেয়োন; পাপ গুরি গুরি তারা নিজোরে বল্‌পোজ্যে গোজ্যন। ‌‌‌‌

যিরমিয় 9:5 Iomraidhean Croise

পত্থম 19:11

সে পরেদি তারা পহ্‌র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্‌ চোগেদি আর ন-দেগিলাক্‌। সেক্কে সে মানুচ্চুনে দোরান্‌ তগাদে তগাদে অরান্‌ ওই পড়িলাক্।

ইয়োব 11:3

তর্‌ এ বাজে কধাগান্‌ শুনিনে কি মান্‌জ্যে জুরো গুরি থেবাক্‌? তুই ঠাট্টা-তামাজা গুরিলে কি কনজনে তরে লাজ্‌ ন-দিবাক্‌?

ইয়োব 15:5

তঅ পাবত্তে তুই এধোক্ক্যেন্ গুরিনে কধা কর্ আর কধা কত্তে চালাক্‌ মান্‌জ্য ধোক্ক্যেন।

গীতসংহিতা 140:3

সাপ ধোক্ক্যেন তারা জিলানি ধারেয়্যে গোজ্যন্; তারা ঠুট্‌ঠুনো তলে যেন সাপ বিষ আঘে।

গীতসংহিতা 50:19

ভান্ন্যেই কধালোই তর্ মুয়োন মেল্যে, তর্ জিলানে ছল গুরিনে কধা কয়।

গীতসংহিতা 52:3

তুই গমত্তুন্ ভান্ন্যেইয়ান কো্চ্‌পাজ্, আর কোচ্‌পাজ্ সত্যত্তুন্ মিজে কধা কনাগান।

গীতসংহিতা 64:3

তারা যেন লাম্বা ছুরি ধোক্ক্যেন গুরি জিলান্ দারেই রাগেয়োন, তারার্ থিদে কধার সেলুন ধনুগানত্ লাগেই রাগেয়োন;

গীতসংহিতা 7:14

অন্যেয়গুরিয়্যেবো বজঙানিরে মনত্ রাগায়, অন্যেয়রে মনত্ রাগেইনে জ্বালাপোড়াত্ ভুগে আর মিজেগানি ফগদাঙ্ গরে।

গম্ উপদেজ্ 12:5

গোজেন ভক্ত মানুচ্চুনোর মনানি দোল্, মাত্তর্ পাজিগুনোর সল্লানিত্ আগেদে ছলনা।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

যিশাইয় 5:18

অভিশাব্ পোড়োক্ সেই মানুচ্চুনোর্, যিগুনে ছলনার্ দুড়িলোই ভান্ন্যেয়ানরে টানি আনন্, আর পাপ জিনিস্‌ছানরে টানি আনন্ যেন গোরু গাড়ি দুড়িলোই।

যিশাইয় 57:10

তর্ এই যানা-এযানাগান্দোই তুই বল্‌‌‌‌‌‌‌‌পোজ্যে ওইয়োচ্, তো আজা নেই, এ কধাগান ন-কং। মাত্তর্ তুই পূজো গুরিনে নূয়ো বল্ পেইয়োচ্, সেনত্তে তুই বল্‌পোজ্যে ওই ন-পড়চ্।‌‌‌‌

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 51:58

বাবিল দাডঅ দেবালান্ ভাঙিনে সং গুরি ফেলা অবঅ আর তার অজল্ গেট্‌‌‌‌‌‌‌‌‌‌‌তুনোত্ আগুন ধুরি দিয়্যে অবঅ। মানুচ্চুনে মিজে মিজে নিজোরে বল্‌পোজ্যে গুরিবাক্, জাদ্‌‌‌‌‌‌‌‌‌‌‌তুনোর কামর্ ফল আগুনোত্ পড়ি যেবঅ।”

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

যিরমিয় 7:28

সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিরমিয় 9:3

লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

যিরমিয় 9:8

তারার জিলানি দর্‌গরেপারা সেল ধোক্ক্যেন; সিয়েনে ছলনার কধা কয়। পত্তিজনে মুয়োদি পাড়াল্যেগুনো লগে মিদে কধা কন মাত্তর্ মন ভিদিরে সিয়েনর বিরুদ্ধে ফাল্ পাদন। ‌‌‌‌‍

যিহিষ্কেল 24:12

মাত্তর্ বেক চেট্ট্যাগান মিজে ওই যেইয়্যে; সিবের্ কজরাগান কাজা ন-যায়, সেনত্তে সিবে আগুনোত্ ফেলেই দুয়ো।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

মীখা 6:3

লগেপ্রভু কত্তে, “ও মঅ মানুচ্চুন, মুই তমারে কি গোজ্যং? কেধোক্ক্যেন গুরি মুই তমারে দুঘ্ দুয়োং? মরে জোব্ দে।

হবক্‌‌‌‌কূক 2:13

বেগত্তুন্ খেমতাবলা লগেপ্রভু থির্ গোজ্যেদে যে, জাদ্‌‌‌‌তুনোর কামর্ ফল আগুনোত্ পুড়ি যেবঅ আর তারা মিজে মিজে নিজোরে বল্‌‌‌‌পোজ্যে গুরিবাক্।

মালাখি 2:10

আমা বেক্কুনোর্ বাপ্‌‌‌‌পো কি একজন নয়? এক্কো গোজেনে কি আমারে ন-বানায়? সালে আমি কিত্তে একজন আর একজন লগে বেঈমানি গুরিনে আমা পূরোণি মানুচ্চুনোত্তে থিদেবর্ গোজ্যে সুদোমান অসর্মান গুরিই।

ইফিষীয় 4:25

ইয়েনত্যে তুমি মিজে কধা ছাড়ি দুয়ো আর একজন আরেকজন ইধু সত্য কধা কঅ, কিয়া আমি বেক্কুনে একজন আরেকজন সমারে এগত্তর্।

১ তীমথিয় 4:2

বিবেক বাজে ওই যেয়্যে এমন বেক্ মিজে মাদিয়্যে মানুচ্চুনোর ভন্ডামিত্যে এবাবোত্যে অবঅ।

বিচের গুরিয়্যেগুন 2:10

যিহোশূয়র সময়োত্‌ ইস্রায়েলীয়গুনে মারা যেইনে তারার্‌ পূরোণি বুড়ো-বুড়িগুনো ইদু যানার পরেন্দি তারার্‌ জাগায়ানিত এলাক্‌ তারার্‌ গুট্টিগুনে। ইগুনে লগেপ্রভুরে ন-চিনিদাক্‌ আর লগেপ্রভু ইস্রায়েলীয়গুনোত্তে যিয়েনি গোজ্যে সিয়েনিয়ো হবর্‌ ন-পেদাক্‌।