যিরমিয় 9:3 - Chakma Bible

³ লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

যিরমিয় 9:3 Iomraidhean Croise

পত্থম 39:16

যোষেফ গিরোজ্‌সো ঘরত্‌ ফিরি-ন এজানা সং কাবড়ান্‌ তে তা মুজুঙোত্‌ রাগেল।

গম্ উপদেজ্ 12:5

গোজেন ভক্ত মানুচ্চুনোর মনানি দোল্, মাত্তর্ পাজিগুনোর সল্লানিত্ আগেদে ছলনা।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 3:5

মানুচ্ মান্‌জ্যরে, পাড়াল্যে পাড়াল্যেরে অত্যেচার গুরিবাক্; চিগোনুনে বুড়োগুনো বিরুদ্ধে উদিবাক্, আর নাঢা মানুচ্চুনে সর্মান পেইয়্যে মানুচ্চুনো বিরুদ্ধে উদিবাক্।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 22:16

তে দুঘী আর অভাবীগুনোর তপ্পে নেযেদ বিলি বেক্কানি গমে চলিদো। লগেপ্রভুরে হবর্ পানা মানে এ কামানি গরানা।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:4

মুই ভাবিলুং, “তারা নাঢা আর ভুল্, কিত্তে তারা লগেপ্রভুর পথ্‌তান আর তারার গোজেনর সুদোমানি হবর্ ন-পান।‌

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিরমিয় 9:5

সমাজ্যে সমাজ্যেরে ঠগায় আর কনজনে সত্য কধা ন-কন। তারা তারার জিলানরে মিজে কধা কবাত্তে শিগেয়োন; পাপ গুরি গুরি তারা নিজোরে বল্‌পোজ্যে গোজ্যন। ‌‌‌‌

যিরমিয় 9:8

তারার জিলানি দর্‌গরেপারা সেল ধোক্ক্যেন; সিয়েনে ছলনার কধা কয়। পত্তিজনে মুয়োদি পাড়াল্যেগুনো লগে মিদে কধা কন মাত্তর্ মন ভিদিরে সিয়েনর বিরুদ্ধে ফাল্ পাদন। ‌‌‌‌‍

যিহিষ্কেল 8:13

তে আরঅ কলঅ, “ইয়োত্তুন্অ বেশ্ জঘন্য কাম্ তুই তারারে গুরিবাত্তে দেগিবে।”

দানিয়েল 11:27

এ দ্বিবে রাজার মন ভান্ন্যেয়দি বেশ্ অনায় তারা এক্কান টেবিলোত্ বুয়োইনে এক্কো আর এক্কোর বিরুদ্ধে মিজে কধা কবাক্, মাত্তর্ সিয়েনত্ কনঅ ফল ন-অবঅ, কিত্যে তারার্ বেক্কানির শেজ্ ঠিগ সময়োত্ এবঅ।

লেবীয় 19:11

চুর্‌ ন-গুরিবা, কাররে ন-ঠোগেবা, মিজে কধা ন-কবা।

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

প্রেরিত্‌ 24:9

এই বেক্‌ কধানি যে সত্য সিয়েনত্ যিহূদীগুনেয়ো হাম্ খেলাক্।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 3:13

তারার্ মুয়োনি যেন খুলো কবর ধোক্ক্যেন, জিলান্দোই তারা ছলনার্ কধা কন্। তারার্ ঠুদ্‌‌তুনো তলে যেন সাপর্ বিষ আঘে।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

বিচের গুরিয়্যেগুন 14:17

পরবর্ সাপ্তাবোর শেজ্ দিন্নো সং তা মোক্কো তাইদু কানাকুদি গুরিলো। যেরেন্দি সাত দিনোত্‌ শিম্‌শোনে তা মোক্কোরে সিয়েন কলঅ, কিত্তেই ইয়েনত্তে তে তারে অমহদ তোস্যে লাগেইয়্যে। তা মোক্কো সেক্কে সে ভানাগানর জোব্‌পান তা মানুচ্চুনোরে কোই দিলো।

বিচের গুরিয়্যেগুন 2:10

যিহোশূয়র সময়োত্‌ ইস্রায়েলীয়গুনে মারা যেইনে তারার্‌ পূরোণি বুড়ো-বুড়িগুনো ইদু যানার পরেন্দি তারার্‌ জাগায়ানিত এলাক্‌ তারার্‌ গুট্টিগুনে। ইগুনে লগেপ্রভুরে ন-চিনিদাক্‌ আর লগেপ্রভু ইস্রায়েলীয়গুনোত্তে যিয়েনি গোজ্যে সিয়েনিয়ো হবর্‌ ন-পেদাক্‌।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।