যিরমিয় 9:22 - Chakma Bible

²² লগেপ্রভু মরে এ কধাগান কবাত্তে কলদে, “মানুচ্চুনোর মরা কিয়্যেগানি গবর ধোক্ক্যেন খুলো মাদত্ পড়ি থেবঅ; যিগুনে খেত্-খেত্তি কাবন্ তারা পিজেদি কাবিনে ফেলে রাগেয়্যে শোজ্য ধোক্ক্যেন সিগুন পড়ি থেবাক্, কনজনে তারারে ন-কুড়েবাক্।”

যিরমিয় 9:22 Iomraidhean Croise

২ রাজাবলী 20:13

হিষ্কিয় সে দূত্‌তুনোরে গুজি ললঅ আর তার্‌ বেক্‌ ভান্ডালুনোত্‌ যিয়েনি এলঅ, অত্তাৎ সোনা, রূবো, তুম্বাজ্‌ মজলা, মংগা তেল আর তার্‌ আত্যেরানি আর ধনভান্ডাল বেক্কানি তারারে দেগেল। হিষ্কিয়োর রাজঘরত্‌ বা তা গোদা রেজ্যগানত্‌ এন্‌ কিজু বাদ ন-যায় যিয়েনি তে তারারে ন-দেগায়।

২ রাজাবলী 20:15

ভাববাদীবো পুযোর্‌ গুরিলো, “তারা তর্‌ রাজঘর ভিদিরে কি কি দেখ্যন্‌?” হিষ্কিয় কলঅ, “মঅ রাজঘরর্‌ বেক্কানি তারা দেখ্যন্‌। মঅ ধনভান্ডালত্‌ এন্‌ কিজু বাদ ন-যাই যিয়েনি মুই তারারে ন-দেগাং।”

২ রাজাবলী 9:37

সে ভূইয়ো মাদিগানত্‌ ঈষেবলর কিয়্যেগান্‌ এন্‌ গবর-সার ধোক্ক্যেন্‌ পড়ি থেবদে, কনজনে চিনি নঅ-পারিবাক্‌ সিয়েন্‌ যে ঈষেবলর কিয়্যেগান।’ ”

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

গীতসংহিতা 49:7

কেউ কনমতে মরণত্তুন্ কাররে উদ্ধোর গুরি ন-পারে বা গোজেনরে তার উদ্ধোরর্ দাম দি ন-পারে, যেনে তে জিংকানিবর বাঁজি থায় আর মরণর জাগাত্ যাহ্ ন পড়ে; কিত্যে জিংকানি কিনিবার দাম বোউত্, সেই দামানর সং সং কিচ্চু নেই।

গীতসংহিতা 83:10

সীষরা আর যাবীন ঐন্‌দোরোত্ ভস্ত ওই যেয়োন্; তারা ভূইয়ো উগুরে গবর ধোক্ক্যেন্ পড়ি আগন্।

গম্ উপদেজ্ 18:11

তাগোয়্যেগুনোর ধন তারার দেবাল্-ঘিজ্যে শঅর; তারার ধনানরে তারা মনে গরন্ রোক্ষ্যেগুরিয়্যে দেবাল্।

গম্ উপদেজ্ 23:4

ধন পেবাত্তে হিজে-হিচ্যে ন-ওইয়ো; এ পৌইদ্যেনে তঅ বুদ্ধিগান উগুরে বিশ্বেজ্ ন-গুরিচ্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 25:33

সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

হবক্‌‌‌‌কূক 1:11

সে পরেদি তারা বোইয়্যের্ ধোক্ক্যেন যান্। সে মানুচ্চুনে দুষী, কিত্যে তারা ইধু তারার্ খেমতাগান্ অলঅ তারার্ দেবেদা।”

সফনিয় 1:17

মানুচ্চুনো উগুরে লগেপ্রভু অমকদ দুঘ্ আনিবো যিয়েনত্তে তারা কান্ মান্‌‌‌‌জ্য ধোক্ক্যেন আঢিবাক্, কিত্যেই লগেপ্রভুর বিরুদ্ধে তারা পাপ গোজ্যন্। তারার্ লো-গানি ধূল্যে ধোক্ক্যেন ফেলেই দিয়্যে অবঅ আর তারার্ কিয়্যেনি গবর ধোক্ক্যেন পড়ি থেবঅ।

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।