যিরমিয় 9:21 - Chakma Bible

²¹ মরণানে আমা জানালাদি উদিনে আমা তাম্বুলানি ভিদিরে চোম্বেগি; সিয়েনে পধে পধে ঝি-পুয়োগুনোরে শেজ্ গুরি দিয়্যে আর শঅর চক্কর্‌‌বোত্তুন শেজ্ গুরি দিয়্যে গাবুজ্যেগুনোরে।

যিরমিয় 9:21 Iomraidhean Croise

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

যিশাইয় 40:30

বয়স কম্ বলাগুনেয়ো বল্ পোজ্যে অন্ আর মন্ মরা অন্ আর গাবুজ্যেগুনে উজোত্ হেইনে পড়ন্,

যিরমিয় 15:7

দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 44:7

ইক্কিনে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, কিত্তে তুমি নিজোর্ এত্তমান সর্বনাশ গরর্? তুমি দঅ মরদ, মিলে, ঝি-পুয়ো আর চিগোন চিজিগুনোরে যিহূদাত্তুন্ নিগিলেই আনিনে নিজোরে আর তারার বেক্কুনোরে ভস্ত গুরি দুয়োর্।

যিরমিয় 50:30

সেনত্তে তার্ গাবুজ্যেগুনে শঅরর্ খুলো জাগাত্ মুরিনে পড়ি থেবাক্; সেদিন্যে তার বেক্ সৈন্যগুনোরে শেজ্ গুরি দিয়্যে অবঅ।

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিরমিয় 6:21

সেনত্তে লগেপ্রভু কোইয়্যেদে, “এ মানুচ্চুনো মুজুঙোত্ মুই নানান্ বাবোত্যে মানা গুরিম। বাবে-পুয়োই এক সমারে সিয়েনত্ উজোত্ হেবাক্; পাড়াল্যেগুনে আর সমাজ্যেগুনে ভস্ত ওই যেবাক্।”

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যোয়েল 2:9

তারা শঅর উগুরে ঝাবেই পড়ন্, দেবাল উগুরে দাবা দুয়োন্; তারা ঘরত্ উদোন্, তারা চুরো ধোক্ক্যেন জানালাদি চমন্।

আমোষ 5:2

“গাবুরী ইস্রায়েলে পড়ি যেইয়্যে, তে আর কনদিন্‌অ ন-উদিবো; তারে তা নিজো মাদিত্ ফেলেই রাগা ওইয়্যে, তারে তুলিবার কনজন নেই।”

আমোষ 6:9

এক্কান ঘরত্ দশজন মানুচ্ বাঁজি থেলেয়ো তারা মুরিবাক্।

সফনিয় 1:17

মানুচ্চুনো উগুরে লগেপ্রভু অমকদ দুঘ্ আনিবো যিয়েনত্তে তারা কান্ মান্‌‌‌‌জ্য ধোক্ক্যেন আঢিবাক্, কিত্যেই লগেপ্রভুর বিরুদ্ধে তারা পাপ গোজ্যন্। তারার্ লো-গানি ধূল্যে ধোক্ক্যেন ফেলেই দিয়্যে অবঅ আর তারার্ কিয়্যেনি গবর ধোক্ক্যেন পড়ি থেবঅ।