যিরমিয় 9:2 - Chakma Bible

² হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

যিরমিয় 9:2 Iomraidhean Croise

যিশাইয় 59:3

তমা আঢ্‌‍‌‌‌তানি লো-লোই আর আঙুলুন্ পাপে অসিজি ওইয়্যে। তমা মুয়োনিয়ে মিজে কধা কোইয়্যে আর তমা জিলানিয়ে পাজি কধা কয়।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 5:7

তারা লগেপ্রভু ইধু অবিশ্বেজি ওইয়োন; তারা জার্‌‌গো পুয়োগুনোরে জর্ম দুয়োন। সেনত্তে ইক্কিনে তারার্ আঙোস্যে পরব্‌‌পুনে তারারে গিলি ফেলেব আর তারার্ খেত্‌‌তানিয়ো তারারে গিলি ফেলেব।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

হোশেয় 7:4

তারা বেক্কুনে বেভিচারী, তারা রুটি বানেয়্যের্ জ্বালেয়্যে ফোগোন ধোক্ক্যেন; মোয়দ্যে মেগানাত্তুন্ আরাম্ভ গুরিনে সিয়েন ফুলি উদোনা সং সেই তুন্দুর আগুন মেজে দিবার দরকার ন-অয়।

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

মালাখি 2:11

যিহূদা বেঈমানী গোজ্যে। ইস্রায়েলত্ আর যিরূশালেমত্ জঘন্য কাম্ গরা ওইয়্যে। যিহূদার মানুচ্চুনে দেবেদা পূজিয়্যে মিলেগুনোরে লোইনে লগেপ্রভু যিগুনোরে কোচ্‌‌‌পায় তারারে অসিজি গোজ্যে।

মালাখি 2:14

তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

বিচের গুরিয়্যেগুন 2:10

যিহোশূয়র সময়োত্‌ ইস্রায়েলীয়গুনে মারা যেইনে তারার্‌ পূরোণি বুড়ো-বুড়িগুনো ইদু যানার পরেন্দি তারার্‌ জাগায়ানিত এলাক্‌ তারার্‌ গুট্টিগুনে। ইগুনে লগেপ্রভুরে ন-চিনিদাক্‌ আর লগেপ্রভু ইস্রায়েলীয়গুনোত্তে যিয়েনি গোজ্যে সিয়েনিয়ো হবর্‌ ন-পেদাক্‌।