যিরমিয় 9:17 - Chakma Bible

¹⁷ বেগত্তুন খেমতাবলা লগেপ্রভু কোইয়্যেদে, “তুমি ইক্কিনে চিদে গুরি চঅ। আবিলেচ্ গুরিয়্যে মিলেগুনোরে ডাগি আনঅ; যিগুনে এ কামত্ কাবিল্ তারারে ডাগিবাত্তে মানুচ্ পাদঅ।”

যিরমিয় 9:17 Iomraidhean Croise

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

ইয়োব 3:8

যিগুনে দিনুন্‌ বজং অবাত্তে মন্ত্র কন্‌ আর লিবিয়াথনরে জাগেই পারন্‌ তারা সেই দিন্নোরে অভিশাব দেদোক্‌।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

আবিলেচ্ 2:5

লগেপ্রভু শত্রু ধোক্ক্যেন ওইয়্যে; তে ইস্রায়েলরে গজক্ গোজ্যে। তে গজক্ গোজ্যে তার বেক্ দাঙর্ দাঙর্ ঘরানি আর ভস্ত গুরি দিয়্যে তার বেক্ তাম্বুলানি। তে যিহূদা-ঝিবোর্ মনত্ দুঘ্ আর আবিলেচ্ গরানা বাড়েই দিয়্যে।

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 32:16

“‘এই বেক্ কধানি তারা মিসরত্তে দুঘ কধা ফগদাং গুরিনে গেবাক্। নানান্ জাদর্ মিলেগুনেয়ো সিয়েন গেবাক্; তারা মিসর আর তার বেক মানুচ্চুনোত্তে সিয়েন গেবাক্। মুই প্রভু লগেপ্রভু এ কধাগান কঙর্।’”

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

মথি লেখ্যে গম্ হবর্ 9:23

ইয়েনর্ পরেদি যীশু সেই যিহূদী নেতাবো ঘরত্ গেলঅ। সিয়েনত্ তে দেগিলো, যিগুনে বাশী বাজান্ তারা আঘন্ আর মানুচ্চুনে রঅ ছাড়দন্।

মার্ক 5:38

পরেদি যায়ীর ঘরত্ এইনে তে দেগিলোদে অমকদ কোল্-কোজ্যে অর্। মানুচ্চুনে রঅ ছাড়ি ছাড়ি কানাকুদি গত্তন্।