যিরমিয় 9:16 - Chakma Bible

¹⁶ মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিরমিয় 9:16 Iomraidhean Croise

নহিমিয় 1:8

কোজোলি গরঙ্‌, তঅ চাগর্‌ মোশিরে তুই যে উগুমান্‌ দুয়োচ্‌ সিয়েনি মনত্‌ তুলি চাহ্। তুই কোইয়োচ্ছ্যে, তুমি যুনি অবিশ্বেজি অ সালে মুই অন্য জাত্‌তুনো ভিদিরে তমারে ছিদি দিম্‌;

গীতসংহিতা 106:27

তারা গুট্টিগুনোর নানান্ জাদঅ ভিদিরে মরণ এবঅ, আর নানান্ দেজত্ তারারে ছিদি দিবো।

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

যিরমিয় 13:24

“ধূল্যেচর-চাগালার্ বোইয়্যেরে উড়েই নেযেয়্যে তুষো ধোক্ক্যেন মুই তঅ মানুচ্চুনোরে ছিদি দিম।

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 29:17

মুই বেগত্তুন খেমতাবলা লগেপ্রভু তারা বিরুদ্ধে যুদ্ধো, ভাদরাত্ আর ভানা পাধেই দিম্ আর মুই তারারে এমন বজং ডোমোর ধোক্ক্যেন গুরিম যিগুন পজা বিলিনে হা ন-যায়।

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিহিষ্কেল 11:17

সেনত্তে তুই তারারে কঅ, প্রভু লগেপ্রভু কোইয়্যেদে, জাদ ভিদিরেত্তুন্ মুই তারারে এগত্তর্ গুরিম; যেদক্কানি দেজত্ তারা ছিদি পোজ্যন্ সিয়েনিত্তুন্ তারারে ফিরেই আনিম আর ইস্রায়েল দেজ্‌‌‌চান আরঅ মুই তারারে ফিরেই দিম।

যিহিষ্কেল 12:15

“মুই যেক্কে তারারে নানান্ জাদত্ আর দেজ ভিদিরে ছিদি দিম্ সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 14:17

ধর, মুই সেই দেজ বিরুদ্ধে যুদ্ধো আনিনে কলুং, দেজর্ বেক্ জাগানিত্ যুদ্ধো ওক্, আর মুই সিদুগো মানুচ্চুন আর এ্যামানুনোরে মারে ফেলেলুং।

যিহিষ্কেল 20:23

সিয়েন বাদেয়ো ধূল্যেচর-চাগালাত্ মুই তারা ইধু শমক্ হেইয়োং, নানান্ জাদ আর দেজ ভিদিরে মুই তারারে ছিদি দিম,

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

আমোষ 5:16

বেগত্তুন্ খেমতাবলা গোজেন প্রভু লগেপ্রভু কোইয়্যেদে, “শঅরর্ পত্তি খুলো জাগাত্ মানুচ্চুনে আবিলেচ্ গুরিবাক্ আর পত্তি পধে পধে হায় হায় গুরিবাক্। এন্ কি, শোক্ ফগদাংগুরিয়্যেগুনো লগে আবিলেচ্ গুরিবাত্তে চাষ্ গুরিয়্যেগুনোরে ডাগা অবঅ।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

দ্বি’লম্বর বিররণ 28:25

লগেপ্রভু এধোক্ক্যেন গুরিবো যেনে তুমি তমার শত্রুগুনোর মুজুঙোত্‌ উদিই যঅ। তুমি এককিত্তেন্দি তারারে আক্রমণ গুরিবা মাত্তর্‌ তারা মুজুঙোত্তুন ধেই যেবাক সাত কিত্তেত্তুন। পিত্‌থিমীর অন্য বেক্‌ রেজ্যর্‌ মানুচ্চুনে তমা অবস্থা দেগিনে দরে গির্‌গিরেবাক।

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।