যিরমিয় 9:15 - Chakma Bible

¹⁵ সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

যিরমিয় 9:15 Iomraidhean Croise

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 69:21

মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

গীতসংহিতা 75:8

লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্‌থিমীর বেক পাজি মানুচ্চুনে সিবের্ তলাগান সং হেই পেবাক্।

গীতসংহিতা 80:5

হেবার জিনিস ইজেবে তুই চোগো পানি তারারে হেবাত্যে দুয়োচ্ আর বোউত্ চোগো পানি খাবেয়োচ্।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 24:10

মুই তারারে আর তারার পুরোণি মানুচ্চুনোরে যে দেজ্‌‌চান দুয়োং সে দেজত্ যেদক্ ভিলোন সং তারা এক্কুবারে ভস্ত ওই ন-যান সেদক্ ভিলোন সং মুই তারা ভিদিরে যুদ্ধো, ভাদরাত আর ভানা পাদেম্।”

যিরমিয় 25:15

ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

যিরমিয় 49:37

যিগুনে তারারে মারে ফেলেবাত্তে চান্ সেই শত্রুগুনো মুজুঙোত্ মুই এলমীয়গুনোরে চুরমার গুরি দিম; মর্ অমকদ রাগত্ মুই তারা উগুরে দযা আনিম। তারারে শেজ্ গুরি ন-ফেলানা সং মুই তারা বিরুদ্ধে তলোয়ার পাদেম্।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

আবিলেচ্ 3:19

মর্ দুঘ্‌‌কান আর ঘুরি বেড়েবার কধানি ইদোত্ তুল্; তিদে আর বিষে ভরা জিংকানিগানর কধানি ইদোত্ তুল্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

ফগদাং পেইয়্যে 8:11

সে তারাবোর নাঙান্ এলঅ সোমরাজ। তিন ভাগর এক ভাগ গাঙ্ আর পয়নালা উগুরে তারাবো পড়িলো। সেক্কে তিন ভাগর এক ভাগ পানি তিদে ওই গেলঅ আর সেই তিদে পানিত্যে বোউত্ মানুচ্‌ মুরি গেলাক্।