যিরমিয় 9:14 - Chakma Bible

¹⁴ সিয়েনর বদলে তারা তারার মনর্ একঘেয়েমি অনুসারে চলদন; তারার বাপ্‌পুনোর শিক্ষ্যে মজিম তারা বাল দেবেদার পিজেদি চলদন্।

যিরমিয় 9:14 Iomraidhean Croise

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

ইয়োব 9:18

তে মরে নিজেস্‌ নিবাত্তে ন-দে বরং তিদেলোই মঅ জিংকানিগান্‌ ভোরেই দে।

যিরমিয় 11:8

মাত্তর্ তারা সিয়েন ন-শুনোন্ বা সিয়েনত্ মনযোগ্‌অ ন-দুয়োন; সিয়েনর বদলে তারা তারার একবুস্যে ভান্ন্যেই মনর্ আওজ্ মজিম চলদন। সেনত্তে যে সুদোমান মুই তারারে পালেবাত্তে কোইয়োং তারা সিয়েন ন-পালান বিলিনে সে সুদোমর কধা মজিম্ মুই তারারে সাজা দুয়োং।”

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 23:27

তারা মনে গরন যেবাবোত্যেগুরি তারার পুরোণি মানুচ্চুনে বাল দেবেদার পূজো গুরিনে মঅ নাঙান ভুলি যেইয়োন সেবাবোত্যে গুরিনে তারার যেদক্কানি স্ববনর কধা তারা বেক্কুনো কন্ সিয়েনিলোই তারা মঅ মানুচ্চুনোরে মঅ নাঙান ভুলেই দিবাক্।

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

গালাতীয় 1:14

মঅ বয়জর্ বোউত যিহূদীত্তুন্অ মুই সে ধর্মত্ ভালোদ্ দূর্ উজেই যাঙর্। ইয়েন বাদে মঅ পূরোণি মানুচ্চুনোত্তুন যেদক্কানি সুদোম এচ্চ্যে সেই পৌইদ্যেনেয়ো মুই অমকদ উচ্চোমি এলুং।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;