যিরমিয় 9:13 - Chakma Bible

¹³ লগেপ্রভু কোইয়্যেদে, “সিয়েনর কারনান্ অলঅ, মুই যে সুদোমানি তারারে দুয়োং সিয়েনি তারা ছাড়ি যেইয়োন; তারা মর্ বাধ্য ন-অন বা মঅ কধানিয়ো মানি ন-চলন্।

যিরমিয় 9:13 Iomraidhean Croise

২ বংশধর 7:19

“মাত্তর্‌ তুমি যুনি মঅ পথ্‌তানত্তুন্‌ সুরি যগোই আর যেদক্কানি সুদোম আর উগুম মুই তমারে দুয়োং সিয়েনি ছাড়িনে অন্য দেব-দেবেদাগুনোরে সেবা আর পূজো গরঅ,

ইষ্রা 9:10

মাত্তর্ ইক্কিনে, ও আমার্ গোজেন, ইয়েনর্ পরেদি আমি কি কোই পারিই? তুই তর্ চাগর্ ভাববাদীগুনোর মাধ্যমে যেদক্কানি উগুম দুয়োচ্ সিয়েন দঅ আমি অগ্রাজ্য গোজ্যেই। তুই কোইয়োচ্চ্যে, যে দেশ্‌‌চান্ তুমি অধিকার গুরিবাত্যে যর্ সিয়েন সিদুগোর্ মানুচ্চুনোর্ অসিজি অনার্ কারনে অসিজি ওইয়োন। তারার্ জঘন্য কাম্‌‌বোই তারা দেজর্ এক দুযিত্তুন্ অন্য দুযি সং অসিজিলোই ভোজ্যে।

গীতসংহিতা 119:53

পাজি মানুচ্চুনোর পাজিগানি দেগিলে অমকদ মত্তুন্ রাগ লাগে; তারা দঅ তর্ উগুমানি বাদ দুয়োন।

গম্ উপদেজ্ 28:4

যিগুনে লগেপ্রভুর সুদোমানি ছাড়ন্ তারা পাজিগুনোরে নাঙ্ গিনোন্, মাত্তর্ যিগুনে সিয়েনি মানন্ তারা পাজিগুনোর বিরুদ্ধে যান।

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 22:9

সিয়েনর জোব্ অবঅ, ‘কিত্তে তারা তারার গোজেন লগেপ্রভুর থিদেবর্ গোজ্যে সুদোমান বাদ দিইনে দেব-দেবেদার পূজো আর সেবা গোজ্যন।’ ”

যিরমিয় 5:19

যেক্কে মান্‌জ্যে পুযোর্ গুরিবাক্, ‘আমা গোজেন লগেপ্রভু আমা উগুরে ইয়েনি কিত্তে গুরিলো?’ সেক্কে তুই তারারে কবে, ‘যেবাবোত্যে তুমি মরে ছাড়িনে তমা দেজত্ দেব-দেবেদাগুনোরে সেবা গোজ্য সেবাবোত্যেগুরি যে দেজ্‌‌‌চান তমার নিজোর নয় সে দেজত্ যেইনে ইক্কিনে তুমি বিদেশিগুনোরে সেবা গুরিবে।’ ”

যিরমিয় 7:26

মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।