যিরমিয় 9:11 - Chakma Bible

¹¹ লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

যিরমিয় 9:11 Iomraidhean Croise

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 44:19

মাত্তর্ তো তুই এন্ এক্কান জাগাত্ আমারে গুড়ি গোজ্যস্ যিয়েনত্ শিয়েলর আনাগোনা; ঘুর্‌‌গুজ্যে আন্ধারলোই আমারে ঢাগি রাগেয়োচ্।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিশাইয় 13:22

সিদুগোর্ ঘরানি ভিদিরে শিয়েল ডুগুরিবাক্ আর শিয়েলুনে দোল্ দোল্ ঘরানি ভিদিরে থেবাক্। বাবিলোর সময় এচ্চ্যে, তার দিনুন্ আর বাড়েই দিয়্যে ন-অবঅ।”

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 10:22

শুন, হবর্ এচ্চ্যে! যিহূদার শঅরানি মানুচ্ নেইয়্যে আর শিয়েলুনোর থেবার ঘর বানেবাত্তে উত্তোর দেজ্‌‍‍‍চানিত্তুন অমকদ গন্ডগুলোর রঅ এজের্।

যিরমিয় 16:10

“এ মানুচ্চুনো ইধু এ কধানি কনার্ পরেদি তারা যেক্কে তরে পুযোর্ গুরিবাক্, ‘লগেপ্রভু আমা বিরুদ্ধে এবাবোত্যে দযার্ কধা কোইয়্যে কিত্তে? আমি কি গোজ্যেই? আমা গোজেন লগেপ্রভুর বিরুদ্ধে আমি কি পাপ গোজ্যেই?’

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 26:9

কিত্তে তুই লগেপ্রভুর নাঙান্দোই এ আগাম্ কধাগান গরর্, এ ঘরান শীলো ধোক্ক্যেন অবঅ আর এ শঅরান ভস্ত আর মানুচ্ নেইয়্যে অবঅ?” ইয়েন কোইনে বেক মানুচ্চুনে লগেপ্রভুর ঘরত্ যিরমিয়রে ঘিরি ধুরিলাক্।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 4:27

লগেপ্রভু কোইয়্যেদে, “পুরো দেজ্‌‌‍চান ভস্ত ওই যেবঅ, যুনিয়ো মুই সিয়েন পুরোপুরি গুরিনে ভস্ত অবাত্তে ন-দিম্।‍

যিরমিয় 44:2

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 49:33

হাৎসোরান অবঅ শিয়েলর থেবার জাগা আর জিংকানিবর্ মানুচ্ নেইয়্যে জাগা। কনজনে সিয়েনত্ বজত্তি ন-গুরিবাক্, সিয়েন ভিদিরে কনঅ মানুচ্ ন-থেবাক্।”

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

আবিলেচ্ 3:47

আমি দর্, ফাল্, দজা আর ভস্ত অনার্ মুয়োত্ পোজ্যেই।”

লেবীয় 26:32

মুই তমার দেজ্‌চান্‌ এমনগুরি ভস্ত অবস্থাত্‌ ফেলেই রাগেম যিয়েন দেগিনেই তমার শত্রু-আদাম্মেগুনেয়ো আমক্‌ ওই উদিবাক্।

মীখা 1:6

সেনত্তে লগেপ্রভু কত্তে, “শমরিয়াগানরে মুই খুলো মাদর্ ভস্তর্ খুর্ বানেম, আর সিয়েন অবঅ আংগুর গাজ লাগেবার জাগা। মুই তা পাত্তরুন কলগত্ ফেলেই দিম আর তা গোড়াগান খুলো রাগেম।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,