যিরমিয় 9:10 - Chakma Bible

¹⁰ মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:10 Iomraidhean Croise

যিশাইয় 41:15

চঅ, মুই তরে নুয়ো, ধারেয়্যে দাত্‌বলা শোজ্য মারিবার মিশিন বানেম। তুই মুড়ো-মুড়ি মাড়িনে সিগুনোরে চুর্‌‌মার্ গুরিবে, আর চিগোন মুড়োগুনোরে তুষো ধোক্ক্যেন গুরিম।

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিরমিয় 12:10

বোউত্ গরগে মর্ আংগুর খেত্‌‌‌তান বর্‌‌‌বাত লাগেয়োন আর সিগুন টেঙোই মাজ্যন্; মর্ দোল্ খেত্‌তানরে তারা মানুচ্ নেইয়্যে আঙ্যা ভূই বানেয়োন। ‌‌

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 14:6

ঝার্‌বো গাধাগুনে গাজ্-বাজ্ নেইয়্যে মুড়োমুড়ি উগুরে থিয়্যেইনে শিয়েল ধোক্ক্যেন ফবান্; ঘাসর অভাবে তারার চোগ্‌‌‌‌কুনোর তেজ্ কুমি যায়।”

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 2:6

তারা পুযোর্‌অ ন-গরন, সেই লগেপ্রভু কুধু যিবে মিসরত্তুন আমারে নিগিলেনে এমন্ ধূল্যেচর-চাগালা ভিদিরেদি আন্যে যিয়েন এলদে পানি নেইয়্যে, ফুল্যে-কাট্য, শুগুনো আর আন্ধার? সিয়েনত্ দঅ কনজনে যানা-এজানা আর বজত্তি ন-গুরিদাক্।

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

আবিলেচ্ 5:18

সিয়োন মুড়োবো মানুচ্ নেইয়্যে ওইনে পড়ি আঘে; শিয়েলুনে তা উগুরে ঘুরি বেড়ান্।

যিহিষ্কেল 14:15

ধর, মুই সেই দেজত্ ঝার্‌বো য়েমান পাধেই দিলুং আর তারা দেজচানরে মানুচ্ নেইয়্যে গুরিলাক্। সেক্কে সিয়েন এমন দর্‍গরেপারা অলদে যে, য়েমান দরে সিয়েন ভিদিরেদি কনজনে যানা-এযানা গুরি ন-পারিলাক্।

যিহিষ্কেল 27:2

ও মান্‌‌‌‌‌‌‌‌‌‌‌‌জ্যর্ পুয়োবো, সোরর পৌইদ্যেনে তুই আবিলেচ্ গর্।

যিহিষ্কেল 29:11

সিয়েন ভিদিরেদি কনঅ মানুচ্ বা য়েমান আদাউদো ন-গুরিবাক্; চল্লিশ বজর্ ধুরি সিয়েনত্ কনজনে বজত্তি ন-গুরিবাক্।

যিহিষ্কেল 33:28

মুই ইস্রায়েল দেজ্‌‌চানরে এক্কান মানুচ্ নেইয়্যে পড়ি থেইয়্যে জাগা বানেম্; তার খেমতার বাহাদুরি শেজ্ ওই যেবঅ আর তার মুড়োমুড়িগুন এমনভাবে খালি ওই পড়ি থেবঅ যে, সিয়েনদি কনজনে যানা-এযানা ন-গুরিবাক্।

যিহিষ্কেল 6:6

তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:19

ও লগেপ্রভু, মুই তরে ডাগঙর্, কিত্যে চরি হেবার্ জাগায়ানি আগুনে গিলি ফেলেয়্যে আর আগুনো জিলে পুড়ি ফেলেয়্যে মাদর্ বেক গাজ্-বাজ্‌চুন।

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

আমোষ 5:16

বেগত্তুন্ খেমতাবলা গোজেন প্রভু লগেপ্রভু কোইয়্যেদে, “শঅরর্ পত্তি খুলো জাগাত্ মানুচ্চুনে আবিলেচ্ গুরিবাক্ আর পত্তি পধে পধে হায় হায় গুরিবাক্। এন্ কি, শোক্ ফগদাংগুরিয়্যেগুনো লগে আবিলেচ্ গুরিবাত্তে চাষ্ গুরিয়্যেগুনোরে ডাগা অবঅ।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।