যিরমিয় 8:9 - Chakma Bible

⁹ জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

যিরমিয় 8:9 Iomraidhean Croise

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

ইয়োব 5:12

ধূর্ত মানুচ্চুনোর সল্লাগানি তে ফোলেইয নঅ দে, সেনত্তে তারা কনঅ‌ ভালেদি গুরি ন-পারন্‌।

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 43:27

তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিরমিয় 15:6

মুই লগেপ্রভু কঙর্, তুই মরে ছাড়ি যেইয়োচ্, তুই উগুদো পধেদি যেইয়োচ্। সেনত্তে মুই তইন্দি আত্ বাবেইনে তরে ভস্ত গুরিম; মুই আর মেয়্যে গুরি ন-পারং।

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

যিহিষ্কেল 7:26

দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

সখরিয় 13:4

“পত্তি ভাববাদী সেদিন্যে তার দর্শনান পৌইদ্যেনে লাজেবাক্। ছলনা গুরিবাত্তে তে ভাববাদীগুনো ধোক্ক্যেন কেশ পোজাক্ ন-উরিদো।

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।