যিরমিয় 8:8 - Chakma Bible

⁸ “তুমি কেধোক্ক্যেনগুরি কঅ, ‘আমি জ্ঞানী আর লগেপ্রভুর সুদোমানি আমা ইধু আঘে।’ আজলে ধর্ম-মাস্তরুনে সুদোমানি ভুল্ গুরিনে মিজে কধা লেখ্যন্।

যিরমিয় 8:8 Iomraidhean Croise

ইয়োব 11:12

ঝার গাধা ছঅগুনে যেধোক্ক্যেন্ মানুচ্‌ ওইনে জর্ম নেযেই ন-পারন্‌, সেধোক্ক্যেন্ বুদ্ধি নেইয়্যে মানুচ্চুনে জ্ঞানী ওই ন-পারন্‌।

ইয়োব 12:20

বিশ্বেজি মানুচ্চুনোর মুয়োনি তে বন্ধ গরে আর বুড়ো মানুচ্চুনোর্‌ চিদে-চেতনাগানি বর্‌বাত্‌ গরে।

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

গম্ উপদেজ্ 17:6

নাদিন-পুদিনুন্ বুড়োগুনোর ভবিচ্চদ, আর বাব্‌পো তা পুয়ো-ঝিগুনোরে বাড়্‌বো গুরিবার কধা।

যিশাইয় 43:27

তর্ আগ বাব্‌পো পাপ গোজ্যে; তর্ তপ্পে যিগুনে কধা কোইয়োন তারা মঅ বিরুদ্ধে পাপ গোজ্যন্।‌‌‍‍

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 48:14

“তুমি কিবাবোত্যেগুরি কোই পারঅ, ‘আমি যোদ্ধা, যুদ্ধোত্ সাহসী মানুচ্’?

হোশেয় 8:12

মর্ রীদি-সুদোমর্ বোউত্ কধা মুই তারাত্তেই লেখ্যং, মাত্তর্ তারা সিয়েনি বিদেশী কনঅ কিজু বিলি মনে গোজ্যন্।

মথি লেখ্যে গম্ হবর্ 15:6

সালে মা-বাবরে তার আর সর্মান গুরিবার দরকার্ নেই। তমার্ এই বেক্ নিজো সুদোমানিত্তে তুমি গোজেন কধানি বাদ্ দুয়ো।

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।