যিরমিয় 8:6 - Chakma Bible

⁶ মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

যিরমিয় 8:6 Iomraidhean Croise

ইয়োব 10:2

ও গোজেন, মরে দুযি ন-গুরিচ্‌, মাত্তর্‌ মঅ বিরুদ্ধে তর্‌ যে আবিত্তি আঘে সিয়েন্‌ মরে কঅ।

ইয়োব 34:31

কনঅ মান্‌জ্যে দঅ গোজেনরে ন-কন্, মুই সাজা পেইয়োং, আর অন্যেয় ন-গুরিম;

ইয়োব 34:32

মুই যিয়েন্ ন-দেগং সিয়েন মরে শিগা; যুনি মুই অন্যেয় গুরি থাং, সালে আর্ সিয়েন ন-গুরিম।

গীতসংহিতা 14:2

লগেপ্রভু স্বর্গত্তুন তলে মানুচ্চুনো ইন্দি রিনি চেলঅ, রিনি চেলদে কনজনে গম জ্ঞান্দোই চলন্ নাহি, রিনি চেলদে কনজনে গোজেনর আওজ্-মজিম কাম গরন্ নাহি।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিরমিয় 23:25

যিদুক্কুন ভাববাদী মঅ নাঙে মিজে কধা কন তারা কধা মুই শুন্যং। তারা কন্দে, মুই এক্কান স্ববন দেখ্যং, এক্কান স্ববন দেখ্যং।

যিরমিয় 3:5

তুই কি নিত্য রাগ গুরি থেবে? তর্ রাগ্‌‌‌‌‌‌‍কান কি জিংকানিবর্ অদে অদে মনত্ থবে‍?’ তুই দঅ এবাবোত্যেগুরি কধা কচ্, মাত্তর্ তঅ তপ্পে যেত্তমান ভান্ন্যেই কাম্ গুরিবার সম্ভব তুই সেত্তমান গোজ্যস্।”

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিহিষ্কেল 18:28

তার অন্যেয়র্ কধানি ভাবিনে সিয়েনিত্তুন্ ফিজ্যে বিলিনে তে হামাক্কায় বাঁজিবো, ন-মুরিবো।

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 1:7

সেনত্তে তুমি কেনে চলর্ সিয়েনি গমেডালে চিন্তে গুরি চঅ।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।