যিরমিয় 8:16 - Chakma Bible

¹⁶ দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিরমিয় 8:16 Iomraidhean Croise

ইয়োব 39:20

ফিরিঙো ধোক্ক্যেন গুরি তুই কি তারে লাফ্ দেনা বাজে দি পাজ্যচ্? তা নাগ রঅবোলোই অমকদ দর্ বুগ্ লাগায়।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

যিরমিয় 10:25

যিদুক্কুন জাদে তরে স্বিগের্ ন-গরন, যিগুনে তরে ন-ডাগন, তারা উগুরে তঅ রাগ্‌‍‍‍কান ঢালি দে। তারা যাকোবরে পুরোপুরি ভস্ত গোজ্যন, তারা দেজ্‌‍‍‍চানরে ভস্ত গুরি দুয়োন।

যিরমিয় 3:24

চিগোনত্তুন্ ধুরি আমা পুরোণী মানুচ্চুনোর কামর্ ফল, অত্তাৎ তারার গোরু-ভেড়ার পালুন আর তারার পুয়ো ছাগুনোরে এ লাজ্ গরেপারা দেব-দেবেদাগুনে গজক্ গোজ্যন।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 30:5

মুই লগেপ্রভু কঙর্, সুগ্-শান্দির কিজেক্ নয় বরং অমকদ দর্‌‍গরেপারা কিজেক্ শুনো যেইয়্যে।

যিরমিয় 4:24

দাঙর্ দাঙর্ মুড়োমুড়ি ইন্দি রিনি চেলুং, সিগুনে গির্‌গিরেদন; বেক্ চিগোন চিগোন মুড়োমুড়িগুনে দুলোদন্।‌‍

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 47:3

তারা জোরে দাবা যেইয়্যে ঘোড়া টেঙ থুগো রঅ, শত্রুগুনোর রথ রঅ আর রথ চাক্কার ঘড় ঘড় রঅ শুনিবা। বাব্‌‌পুনে তারা পুয়ো-ছাগুনোরে সাহায্য গুরিবাত্তে ন-ফিরিবাক্; তারা আঢ্‌‌তানি লুলো ওইনে দুলি দুলি থেবঅ।

যিরমিয় 5:17

তারা তমা খেদ্‌তানি আর হানাগানি গজক্ গুরিবাক্, গজক্ গুরিবাক তমা ঝি-পুয়োগুনোরে; তারা তমার গোরু-ভেড়ার পালুন গজক্ গুরিবাক, গজক্ গুরিবাক তমার বেক্ আংগুর আর ডোমোর্ গাজ্‌চুন। যে দেবাল্-ঘিজ্যে শঅর উগুরে তুমি বিশ্বেজ্ গোজ্য সিয়েন তারা যুদ্ধো গুরিনে ভস্ত গুরি দিবাক্।” ‌

যিরমিয় 50:42

তারা ধনু আর তলোয়ারবলা; তারা চিৎনপুজ্যে আর দোয়্যেনেইয়্যে। তারা ঘোড়াত্ গুরি এবার্ অক্তত্ সাগর গুজুরোনি রঅ অর্; ও বাবিল-ঝি, তরে আক্রমণ গুরিবাত্তে তারা যুদ্ধোর্ সাজে এত্তন্।

যিরমিয় 51:29

দেজ্ গির্‌‌‌‌‌গিরের্ আর মজরা খার্, কিত্তে বাবিলরে মানুচ্ নেইয়্যে আর উগুজ্যে ভূই গুরি রাগেবার লগেপ্রভুর যে উদ্দেশ্য সিয়েন ঠিগ্ রোইয়্যে।

যিরমিয় 6:23

তারা ইধু ধনু আর সেল্ আগন; তারা চিৎনপুজ্যে আর কনঅ মেয়্যে ন দেগান্। ঘোড়া পিদিত্ উদি এবার অক্তত্ তারা রঅগুন সাগর গুজুরি উদেধে ধোক্ক্যেন; ও সিয়োন-ঝি, তরে আক্রমন গুরিবাত্তে তারা যোদ্ধা ধোক্ক্যেন যুক্কোল্ ওই এত্তন্।”

নহূম 3:2

শুনো, চাবুগো রঅ, চাক্কার্ ঘড়ঘড় রঅ; সিয়েনত্ ঘোড়া ফাল্যেনে যাদন্; রথ্‌‌‌‌তানি ইন্দি উন্দি যার্;

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

১ করিন্হীয় 10:26

কিয়া পবিত্র বোইবোর্ কধা মজিম, “পিত্‌থিমী আর তা ভিদিরে বেক্কানি প্রভুর।”

১ করিন্হীয় 10:28

মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।

বিচের গুরিয়্যেগুন 18:29

শঅ্‌রানর পুরোণি নাঙান্‌ লয়ীশ অলেয়ো তারা তারার পূরোনি বুড়োবুড়িগুনোর নাঙ্‌ অনুসারে সিয়েনর নাঙান্‌ রাগেলাক্‌ দান। দান অলদে ইস্রায়েলর পূঅ।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।

বিচের গুরিয়্যেগুন 5:22

সে পরেন্দি মাদিগান গির্‌গিরেই উদিলো ঘোড়ার টুক্‌কুনোত্‌ ঘা ওইনে আর বোলীবন্দ ঘোড়াগুনে আদিলাক্ খট্‌-খটা-খট্‌ গুরিনে।