যিরমিয় 7:9 - Chakma Bible

⁹ তুমি দঅ চুর্, খুন, সিনেলি আর মিজে শমক্ খঅ আর বাল দেবেদাগুনো নাঙে আগর্‌বাট্টি জ্বালঅ। ইগুন বাদেয়ো যে দেবেদাগুনোরে তুমি ন-চিনো তুমি তারার পিজেদি যেইনে থাগঅ।

যিরমিয় 7:9 Iomraidhean Croise

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

যাত্রা 20:3

মঅ জাগানত্‌ কনঅ‌ দেবেদারে ন-রাগেবা।

যিশাইয় 1:13

বাজে উৎসর্বর জিনিস তুমি আর ন-আন্য। তমার্ আগর্‌বাট্টি জ্বালানা মর্ ঈচ্ লাগে। আঙোস্যে, জিরেবার্ দিন আর ধর্মীয় তেম্মাং-তমা পাপত্তে মুই এ তেম্মাঙানি সোজ্য গুরি ন-পারং।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 11:13

যিহূদার যেদক্কানি শঅর্ আর আদাম আঘে সিদুক্কুন দেব-দেবেদায়ো আঘে, আর যিরূশালেমর যেদক্কানি পথ আঘে সেই লাজ্‌গরেপারা বাল দেবেদার নাঙে আগর্‌বাট্টি জ্বালেবাত্তে সিদুক্কুন পূজোয়ো বানা ওইয়্যে।‍‍

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 44:9

যিহূদা দেজত্ আর যিরূশালেমর পধে পধে তমা পুরোণি মানুচ্চুনোর, যিহূদার রাজা আর রাণিগুনোর আর তমার্ আর তমা মোগ্‌কুনোর পাচ্চ্যেমির্ কধানি কি তুমি ভুলি যেইয়ো?

যিরমিয় 48:35

মুই লগেপ্রভু কঙর্, মোয়াবত্ যিগুনে পূজোর্ অজল্ জাগানত্ উৎসর্বর অনুষ্ঠান গরন্ আর তারা দেব-দেবেদাগুনো নাঙে আগর্‌বাট্টি জ্বালান মুই তারারে শেজ্ গুরি দিম্।

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিরমিয় 5:7

লগেপ্রভু কোইয়্যেদে, ও যিরূশালেম, কিত্তে মুই তরে খেমা গুরিম? তর্ ঝি-পুয়োগুনে মরে ফেলেই যেইয়োন আর যিগুনে গোজেন নয় তারা নাঙে শমক্ খেইয়োন। মুই তারার বেক্ দরকারানি ফুরেই দুয়োং, তো তারা সিনেলী গোজ্যন আর দলে দলে বেশ্যেগুনো ঘরত্ যেইয়োন।

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

যিহিষ্কেল 18:18

মাত্তর্ তা বাবে তা নিজোর্ পাপত্তে মুরিবো, কিত্তে তে জোর্ গুরি টেঙা আদায় গুরিদো, ভেইয়ুনো জিনিসচানি চুর্ গুরিদো আর তা মানুচ্চুনো ভিদিরে অন্যেয় কাম গুরিদো।

যিহিষ্কেল 20:30

সেনত্তে লগেপ্রভু মরে কোইয়্যেদে, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, তুই কি তমা পুরোণি মানুচ্চুনো ধোক্ক্যেন গুরি নিজোরে অসিজি গুরিবা আর তারার জঘন্য মূত্তিগুনোরে পূজো গুরিবা?

যিহিষ্কেল 23:39

সেই একই দিনোত্ তারা তারার্ মূত্তিগুন ইধু তারার্ ঝি-পুয়োগুনোরে জবাই গোজ্যন্ আর মঅ ঘরত্ সোমেইনে সিগুন অসিজি গোজ্যন্। তারা মঅ ঘর ভিদিরে এ কামানি গোজ্যন্।

যিহিষ্কেল 5:11

সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

আমোষ 4:5

তুমি ভালেদির্ উৎসর্ব ইজেবে সদা দিয়্যে রুটি দুয়ো আর তমা নিজো আওজে দিয়্যে উৎসর্বর জিনিস্‌‌চানিলোই বাড়্‌বো গরঅ, কিত্যে ও ইস্রায়েলীয়গুন, তুমি দঅ সিয়েন গুরিবাত্তে গম্‌‌ পঅ। মুই প্রভু লগেপ্রভু এ কধাগান কঙর্।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রোমীয় 2:2

আমি কোই পারিই যিগুনে এবাবোত্যে কাম্ গরন্ গোজেনে তারারে উজিত্ বিচের্ গরে।

দ্বি’লম্বর বিররণ 32:17

তারা ডালি দিলাক্ বজং আত্মাগুনোর নাঙে যিগুনে গোজেন নয়, তারা উৎসর্বর অনুষ্ঠানান্ গুরিলাক নুয়ো দেব-দেবেদাগুনোর নাঙে, যিগুনে বানা কয়েকদিন আগে দেগা দুয়োন, যিগুনোরে তমার পুরোণি মানুচ্চুনে ন-দোরেদাক্‌।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

বিচের গুরিয়্যেগুন 5:8

তারা যেক্কে নূয়ো দেব-দেবেদার ইন্দি মনান্‌ দিলাক্‌ সেক্কে তারার্‌ শঅ‌রর-গেদো দোরানত্‌ যুদ্ধো অলঅ‌। চোল্লিশ আজার ইস্রায়েলীয়োর আঢেত্‌ এক্কান আন্দল দিবারঅ‌ ন-এলঅ, এক্কো সেলঅ‌ ন-এলঅ।