যিরমিয় 7:6 - Chakma Bible

⁶ যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

যিরমিয় 7:6 Iomraidhean Croise

২ রাজাবলী 21:6

তে নিজো পুয়োবোরে আগুনোত্‌ পুড়িনে উৎসর্ব গুরিলো। তে যাদু বেবহার গুরিদো আর বাঁজি চেইনে আগাম্ কধা কদঅ আর যিগুনে ভূত্তোই কাম্‌ গরন্‌ আর বজং আত্মা সমারে মিজেন্‌ তে তারা লগে তেম্মাং গুরিদো। তে লগেপ্রভুর চোগেন্দি বোউত্‌ বজং কাম্‌ গুরিনে তারে অহুজি গোজ্যে।

গীতসংহিতা 106:38

তারা নিদ্দুযিগুনোর, অত্তাত্ তারার পুয়ো-ঝিগুনোর লো ঝোরেই দিলাক্। তারা কনান মূত্তিগুনোর নাঙে তারার ডালি দিলাক্, সেক্কে পুরো দেজ্‌ছান সে লো-লোই ফি বাঁজিলো।

গম্ উপদেজ্ 23:10

দুযিগানর পুরোনা চিহ্নো-পাত্তর্ তুই সোরেই ন-দিচ্ বা বাপ্‌-মা নেইয়্যেগুনোর ভূইয়ানি গজক্ ন-গুরিচ্,

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 19:4

ইয়েনর ভেদ্‌তান্ অলঅ, তারা মরে ছাড়ি যেইয়োন আর এ জাগায়ান দেব-দেবেদাগুনোর জাগা বানেয়োন; তারা এমন দেবেদাগুনো ইধু আগর্‌বাট্টি জ্বালেয়োন যিগুনোর কধা তারার পুরোণি মানুচ্চুনে বা যিহূদার রাজাগুনে কনদিন্‌অ হবর্ ন-পেদাক্। ইয়েন বাদেয়ো এ জাগায়ান তারা নিদ্দুযিগুনোর লো-লোই ভোরেই দুয়োন।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 2:34

তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

যিরমিয় 26:23

তারা মিসরত্তুন্ ঊরিয়রে আনিনে রাজা যিহোয়াকীমো ইধু নেযেলাক্; রাজা তারে তলোয়ারলোই মারে ফেলেইনে তা কিয়্যেগান সাধারন মান্‌‌‍‌জ্যর্ গোরত্ ফেলেই দিলো।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

যিরমিয় 7:9

তুমি দঅ চুর্, খুন, সিনেলি আর মিজে শমক্ খঅ আর বাল দেবেদাগুনো নাঙে আগর্‌বাট্টি জ্বালঅ। ইগুন বাদেয়ো যে দেবেদাগুনোরে তুমি ন-চিনো তুমি তারার পিজেদি যেইনে থাগঅ।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 18:6

তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

লেবীয় 19:33

তমা দেজত্‌ তমা ভিদিরে বজত্তি গোজ্যে অন্য জাদর্‌ মানুচ্চুনো সমারে বজং বেবহার্‌ গরানা ন-চলিবো।

লেবীয় 25:17

তুমি কনজনে কারঅ‌ উগুরে অন্যেয় ন-গোজ্য। তুমি বেক্কুনে তমার গোজেনরে দোরেইনে চলিবা, কিত্যেই মুই লগেপ্রভু তমার গোজেন।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

দ্বি’লম্বর বিররণ 11:28

মাত্তর্‌ যুনি তুমি তমার গোজেন লগেপ্রভুর উগুমানি অমান্য গরঅ আর যে পদেন্দি চলিবার উগুম্‌ মুই এচ্চ্যে দুয়োং সিয়েনত্তুন্‌ সুরি যেইনে তমা ইদু নূয়ো এমন্‌ দেব-দেবেদার্‌ পিজেদি যঅ, সালে তমা উগুরে অভিশাব পুরিবো।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

দ্বি’লম্বর বিররণ 27:19

সে মানুচ্চো অভিশাব খেইয়্যে, যে বিদেশী বাসিন্দা, মা-বাপ নেইয়্যে আর রানিমিলেগুনো উগুরে অন্যেয় বিচের অবাত্তে দে। সেক্কে বেক্কুনে কবাক, আমেন।

দ্বি’লম্বর বিররণ 8:19

যুনি তুমি কনদিনঅ তমা গোজেন লগেপ্রভুরে ভুলি যেইনে দেব-দেবেদাগুনোর্‌ পিজেন্দি যঅ আর তারারে সেবা আর পূজো গরঅ, তো এচ্চ্যে মুই তমা বিরুদ্ধে এ কধাগান্‌ জদবদে গুরি কঙত্তে, তুমি ভস্ত ওই যেবা।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।