যিরমিয় 7:4 - Chakma Bible

⁴ লগেপ্রভুর ঘরর নাঙান্দোই বার বার যে মিজে কধা কুয়ো অয় তুমি সিয়েন বিশ্বেজ্ ন-গোজ্য।

যিরমিয় 7:4 Iomraidhean Croise

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 28:15

সেক্কে ভাববাদী যিরমিয় ভাববাদী হনানিয়রে কলঅ, “হনানিয়, শুন। লগেপ্রভু তরে ন-পাদায়, মাত্তর্ তুই এ জাদ্‌তোরে মিজে কধালোই বিশ্বেজ্ গরত্তে। ‍‍‍

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

যিরমিয় 29:31

“তুই বেক বন্দীগুনো ইধু এ হবরান পাধেই দে, নিহিলামীয় শমরিয় পৌইদ্যেনে লগেপ্রভু কোইয়্যেদে, ‘মুই শময়িয়রে ন-পাদাং, তো তে তমা ইধু নিজোরে ভাববাদী ইজেবে দেগেইনে মিজে কধালোই তমারে বিশ্বেজ্ গোরেয়্যে।

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 7:14

যে ঘরান উগুরে তুমি নির্ভর গোজ্য সেই ঘরান মুই মর্ থেবার জাগা বানেয়োং, আর এ জাগায়ান মুই তমার আর তমা পুরোণি মানুচ্চুনোরে দুয়োং। মাত্তর্ তমা পাপ্‌‌‌পানিত্তে এ ঘরানরে আর এ জাগায়ানর অবস্থা মুই সেবাবোত্যে গুরিম যেবাবোত্যে মুই শীলো উগুরে গোজ্যং। ‌

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

লূকে লেখ্যে গম্ হবর্ 3:8

তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ। নিজে মনে ন-গোজ্য যে, তুমি অব্রাহাম গুট্টির্ মানুচ্। মুই তমারে কঙর্, এ পাত্তরুনোত্তুন্ গোজেনে অব্রাহামর গুট্টি বানেই পারে।