যিরমিয় 7:29 - Chakma Bible

²⁹ ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিরমিয় 7:29 Iomraidhean Croise

২ রাজাবলী 17:20

সেনত্তে লগেপ্রভু বেক্‌ ইস্রায়েলীয়গুনোরে বাদ দি দিলো। তে তারারে দুগোত্‌ ফেলেল আর লুটগুরিয়্যেগুনোর্‌ আঢত্‌ তুলি দিলো, আর যেরেন্দি নিজোর্‌ মুজুঙোত্তুন্‌ তারারে ধাবেই দিলো।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিরমিয় 12:7

“মুই মঅ মানুচ্চুনোরে ইরি দুয়োং আর মর্ সোম্বোত্তি ইস্রায়েলরে বাদ দুয়োং; মুই যিবেরে কোচ্‌পাং সিবেরে তা শত্রুগুনো আঢত্ তুলি দুয়োং।‌

যিরমিয় 14:19

ও লগেপ্রভু, তুই কি যিহূদারে এক্কুবারে এলাফেলা গোজ্যস্? তুই কি সিয়োনরে ঈচ্ গোজ্যস্? তুই আমারে কিত্তে এদক্ ঘিনেয়োচ্? আমি গম্ ওই ন-পারির? আমি সুগ্-শান্দির আশা গোজ্যেই মাত্তর্ অমকদ দর্‌বুক এলঅ।‍‍‍‍‍‌

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 3:2

“তুই চোগ্ মিলিনে গাজ্‌পালা নেইয়্যে মুড়োগুনো ইন্দি রিনি চাহ্। এমন্ কনঅ জাগা আঘে কি যিয়েনত্ তুই বেশ্যে ন-গরচ্? যিগুনো সমারে তুই বেশ্যে গোজ্যস্ তারারে তুই পধ পাজারাত্ বাজ্জেবাত্তে বুয়োই থেদে, ধূল্যেচরর আরবীয়গুনো ধোক্ক্যেন হাব্ পাদি থেদে। তর্ বেশ্যেগানি আর পাজিগানিলোই তুই দেজ্‌চানরে অসিজি গোজ্যস্।‌‌‌‌‌‍

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিরমিয় 47:5

গাজা আবিলেচ্ গুরিনে তা মাঢাবো মুড়েব; অস্কিলোনরে ভস্ত গরা অবঅ। ও কলগর্ বাদবাগি মানুচ্চুন, আর কয়দিন তুমি নিজো কিয়্যেনি কাবিবা?

যিরমিয় 48:37

দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিরমিয় 6:30

তারারে কুয়ো অয় এলাফেলা গোজ্যে রূবো, কিত্তে মুই লগেপ্রভু তারারে ফেলেই দুয়োং।”

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিহিষ্কেল 19:1

লগেপ্রভু মরে কোইয়্যেদে, তুই ইস্রায়েলর শাজন্‌গুরিয়্যেগুনোত্তে আবিলেচ্ গুরিনে কঅ,

যিহিষ্কেল 28:12

“ও মান্‌‌জ্যর্ পুয়োবো, সোরর রাজা পৌইদ্যেনে তুই আবিলেচ্ গুরি গুরি তারে কঅ, প্রভু লগেপ্রভু কোইয়্যেদে, ‘তুই এলে পুরোপুরি থুদি নেইয়্যে, জ্ঞানে ভরা আর দোল্‌‌লোই পরিপূরোন্।

আমোষ 5:1

ও ইস্রায়েলর মানুচ্চুন, তমা বিষয়ানিলোই মুই ইয়েনি যে আবিলেচ্ গরঙর্ সিয়েনি শুনো।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

মথি লেখ্যে গম্ হবর্ 12:39

যীশু তারারে কলঅ, এই কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ ভাববাদী যোনার চিহ্নো বাদে আর কনঅ চিহ্নো তারারে দেগা ন-অবঅ।

মথি লেখ্যে গম্ হবর্ 16:4

এ কালর্ পাজি আর অবিশ্বেজি মানুচ্চুনে চিহ্নো তগান্, মাত্তর্ যোনার চিহ্নো বাদে আর কনঅ চিহ্নো তারারে দেগা ন-অবঅ।” ইয়েনর্ পরেদি যীশু তারারে ফেলেই গেলঅ।

মথি লেখ্যে গম্ হবর্ 23:36

মুই তমারে ঘেচ্চেকগুরি কঙর্, এই কাল মানুচ্চুনেই সেই বেক্ লো-গানির্ দায়ী অবাক্।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

দ্বি’লম্বর বিররণ 32:5

তা উগুরে তার মানুচ্চুনে ভান্ন্যেই বেবহার গোজ্যন্‌। তারার মনর্ কুজুরোমিত্যেই সিগুনে আর তার পূঅ নয়।