যিরমিয় 7:28 - Chakma Bible

²⁸ সেনত্তে তুই তারারে কবে, ‘তুমি সেই জাদ্, যে তার গোজেন লগেপ্রভুর আওজ্ মজিম ন-চলে বা তার সংশোধনত্ ন-শুনোন্। সত্যগান ভস্ত ওই যেইয়্যে; কনজনে সে পৌইদ্যেনে মুয়োদিয়ো ন-আনন্।’ ”

যিরমিয় 7:28 Iomraidhean Croise

গীতসংহিতা 12:2

মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

গীতসংহিতা 50:17

তুই দঅ মর্ শাজনান্ ঘিনেচ্ আর মঅ কধানির ধারান্ ন-ধারেচ্।

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 32:33

তারা মঅ ইন্দিত্তুন পিঠ্‌তান ফিরেয়োন, মুয়োদি নয়; যুনিয়ো মুই বারে বারে তারারে শিক্ষ্যে দুয়োং তো তারা মঅ শাজনান্ ন-মানন, গুজিয়ো ন-লন। ‌‍

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

সফনিয় 3:2

তে কাররে ন-মানে, শাজন্‌অ গ্রাজ্য ন-গরে। লগেপ্রভু উগুরে তে নির্ভর্ ন-গরে, তা গোজেন ইধু ন-যায়।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।