যিরমিয় 7:26 - Chakma Bible

²⁶ মাত্তর্ তুমি মঅ কধানি ন-শুনো বা মনযোগ্‌অ ন-দুয়ো। তুমি গত্তনাবো দর গুরিনে তমা পুরোণি মানুচ্চুনোত্তুন্‌অ আরঅ বেশ্ ভান্ন্যেই কাম গোজ্য।

যিরমিয় 7:26 Iomraidhean Croise

১ রাজাবলী 14:22

লগেপ্রভুর চোগেন্দি যিয়েন্‌ ভান্ন্যেই যিহূদার মানুচ্চুনে সিয়েন গরা ধুরিলাক্‌। তারার্‌ পূরোণি মানুচ্চুনোত্তুন্‌ বেশ্‌ তারার্‌ পাপর্‌ মাধ্যমে তারা লগেপ্রভুর মনর্‌ জ্বালা আরঅ বেশ্‌ গুরিনে বাড়েই দুয়োন্‌।

১ রাজাবলী 14:9

তঅ আগেন্দি যিগুনে এলাক্‌ তুই তারাত্তুনো বেশ্‌ ভান্ন্যেই কাম্‌ গোজ্যস্‌। তুই নিজোত্তে দেব-দেবেদা বানেয়োচ্‌ আর গোলেইনে মূত্তি বানেয়োচ্‌। তুই মরে অহুজি গুরি তুল্যচ্‌ আর মরে তঅ পিজেন্দি ফেলেই রাগেয়োচ্‌।

২ রাজাবলী 17:14

মাত্তর্‌ তারা সে কধানিলোই কান্‌ ন-পাদন্‌। তারার্‌ পূরোণিমানুচ্চুনে যিগুনে তারার্‌ গোজেন্‌ লগেপ্রভুর উগুরে বিশ্বেজ্ নঅ-গুরিদাক্‌, তারা ধোক্ক্যেন তারা একগেয়েমি গুরিদাক্‌।

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

২ বংশধর 30:8

“তুমি তমা পূরোণি মানুচ্চুনো ধোক্ক্যেন গত্তনাগুন্‌ দর ন-গুরিবা বরং লগেপ্রভুর আঢত্ নিজোরে দি দুয়ো। যে সুদ্ধো-সাংগ ঘরানরে তে উমরত্তে নিজোর্‌ নাঙে যুদো গোজ্যে তুমি সে ঘরানত্‌ এজঅ আর তোমা গোজেন লগেপ্রভুরে সেবা গরগি যেনে তমা উগুরেত্তুন্‌ তার্‌ দর্‌গরেপারা রাগকান্‌ যাইয়োই।

২ বংশধর 33:10

লগেপ্রভু মনঃশি আর তার মানুচ্চুনো লগে কধা কদঅ মাত্তর্‌ তারা সিয়েনি কান্‌ ন-পাদিদাক্‌।

২ বংশধর 33:23

মাত্তর্‌ তা বাপ্পো মনঃশি ধোক্ক্যেন তে লগেপ্রভুর মুজুঙোত্‌ নিজোরে চিগোন্‌ ন-গরে; তে পাপ্‌ গরা ধুরিলো।

নহিমিয় 9:29

তর্‌ রীদি-সুদোম ইন্দি ফিরি এবাত্তে তুই তারারে উজিয়ার্‌ গোজ্যস্‌ মাত্তর্‌ তারার্‌ বেবহারান্‌ এলদে বার্‌বোলোই ভরা; তারা তর্‌ বেক্‌ উগুমানি ন-পালান্‌। তর্‌ যেদক্কানি উগুম্‌ পালন্‌ গুরিলে মানুচ্‌ বাজন্‌ সেনত্তেই সিয়েনর্‌ বিরুদ্ধে তারা পাপ গোজ্যন্‌। তারা একগেয়েমি গুরিনে আর গত্তনাগুন্‌ দরমর গুরিনে তর্‌ কধানি শুনিবাত্তে ন-চান্‌।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিরমিয় 11:8

মাত্তর্ তারা সিয়েন ন-শুনোন্ বা সিয়েনত্ মনযোগ্‌অ ন-দুয়োন; সিয়েনর বদলে তারা তারার একবুস্যে ভান্ন্যেই মনর্ আওজ্ মজিম চলদন। সেনত্তে যে সুদোমান মুই তারারে পালেবাত্তে কোইয়োং তারা সিয়েন ন-পালান বিলিনে সে সুদোমর কধা মজিম্ মুই তারারে সাজা দুয়োং।”

যিরমিয় 16:12

মাত্তর্ তুমি তমা পুরোণি মানুচ্চুনোত্তুন বেশ্ ভান্ন্যেই গুরি চোল্য। চঅ, তুমি পত্তিজনে মর্ কধামজিম ন-চলিনে কিবাবোত্যে গুরিনে তমা ভান্ন্যেই মনর্ এক কুপ্পে গুরি চলর্।

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 19:15

“ইস্রায়েলর বেগত্তুন খেমতাবলা লগেপ্রভু কলঅ, ‘শুন, মুই এ শঅরানর আর তা কায়-কুরে আদামানি উগুরে যেদক্কানি দজা ঘোদেবার কধা কোইয়োং মুই সেই বেক্কানি তারা উগুরে ঘোদেম্, কিত্তে তারা গত্তনা দরমর গোজ্যন আর মঅ কধাগান ন-শুনোন।’ ”

যিরমিয় 22:21

তুই যেক্কে গম্ অবস্থায় এলে সেক্কে মুই তরে উজিয়ার গোজ্যং, মাত্তর্ তুই কোইয়োচ্চে, ‘মুই ন-শুনিম।’ পৌইল্যাত্তুন্ ধুরি তঅ বেবহারান এবাবোত্যে; তুই মর্ বাধ্য ন-অচ্।

যিরমিয় 25:3

যোশিয়র পুয়ো যিহূদার রাজা আমোনর রাজাগিরির তের বজরত্তুন্ ধুরি এদক্ বিলোন সং, অত্তাৎ এই তেইশ বজর ধুরি লগেপ্রভুর কধানি মইধু ফগদাং ওইয়্যে আর মুই বার্ বার্ তমারে সিয়েন কোইয়োং, মাত্তর্ তুমি সিয়েনত্ কান ন-পাদঅ।

যিরমিয় 25:7

ইক্কিনে লগেপ্রভু কোইয়্যেদে, মাত্তর্ তুমি মঅ কধাগান ন-শুনো। সিয়েনর বদলে তমা আঢর্ বানেয়্যে জিনিস্‌‌চোই মরে বেজার্ গুরিনে নিজো উগুরে অমংগল ডাগি আন্য।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 29:19

ইয়েনর কারনান্ অলঅ, যে কধাগান মুই বার্ বার্ মঅ চাগরুনোরে, অত্তাৎ ভাববাদীগুনোরে দিইনে তারা ইধু কোই পাদেয়োং সিয়েন তারা ন-শুনোন্।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 34:14

যুনি কনঅ ইব্রীয় ভেই নিজোরে তমা ইধু বিজি দুয়োন্ সালেন্ সাত্ বজরত্ তুমি তারে উদ্ধোর্ গুরিবা। ছঅ বজর্ তে তমার্ চাগর্ কাদিলে পরেদি তমাত্তুন্ তারে ইরি দিয়্যে পড়িবো। মাত্তর্ তমা পুরোণি মানুচ্চুনে মঅ কধানি ন-শুনোন্, মঅ কধানি মনযোগ ন-দুয়োন্।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 6:10

মুই কা লগে কধা কোম্ আর কারে উজিয়ার গুরিম যেনে তারা মঅ কধাগান শুনোন্? তারার কানানি ঢিবে দুয়োন সেনত্তে তারা ন-শুনোন্। লগেপ্রভুর কধানি তারার ঈচ্ গুরিবার বেপার ওইয়্যে; তারা সিয়েনত্ কনঅ গম্ ন-পান।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিরমিয় 9:13

লগেপ্রভু কোইয়্যেদে, “সিয়েনর কারনান্ অলঅ, মুই যে সুদোমানি তারারে দুয়োং সিয়েনি তারা ছাড়ি যেইয়োন; তারা মর্ বাধ্য ন-অন বা মঅ কধানিয়ো মানি ন-চলন্।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 20:30

সেনত্তে লগেপ্রভু মরে কোইয়্যেদে, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, তুই কি তমা পুরোণি মানুচ্চুনো ধোক্ক্যেন গুরি নিজোরে অসিজি গুরিবা আর তারার জঘন্য মূত্তিগুনোরে পূজো গুরিবা?

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

মালাখি 3:7

তমা পুরোণি মানুচ্চুনোর সময়ত্তুন্ ধুরি তুমি মর্ বেক সুদোমানিত্তুন্ সুরি যেইয়ো আর সিয়েনি ন-পালঅ। মইদু ফিরি এজঅ, আর মুইয়ো তমা ইধু ফিরি এইম্। মাত্তর্ তুমি কত্তে, ‘আমি কেধোক্ক্যেন গুরি ফিরি এবং?’

মথি লেখ্যে গম্ হবর্ 21:38

মাত্তর্ সেই চাষাবলাগুনে পুয়োবোরে দেগিনে নিজো ভিদিরে কুয়ো-কি গুরিলাক্, ‘ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।’

মথি লেখ্যে গম্ হবর্ 23:32

সালে তমা পূরোণি মানুচ্চুনে যিয়েনি আরাম্ভ গুরি যেইয়োন্ সিয়েনর্ বাদ্‌বাগি ভাগ্‌কান তুমি শেজ্ গরঅ।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

দ্বি’লম্বর বিররণ 8:20

লগেপ্রভু তমা মুজুঙোত্‌ যিদুক্কুন জাদরে ভস্ত গোজ্যে তারা ধোক্ক্যেন তুমিয়ো তমা গোজেন লগেপ্রভুর অবাধ্য অনার্‌ কারনে ভস্ত ওই যেবা।