যিরমিয় 7:22 - Chakma Bible

²² মুই এ কধাগান কঙর্, কিত্তে যেক্কে মুই মিসরত্তুন্ তমা পুরোণি মানুচ্চুনোরে নিগিলেই আন্যং সেক্কে মুই পুজ্যে আর অন্য উৎসর্বর অনুষ্ঠান কধা ন-কঙ্ বা উগুম ন-দুয়োং,

যিরমিয় 7:22 Iomraidhean Croise

গীতসংহিতা 40:6

য়েমান আর অন্য উৎসর্ব তুই ন-চাজ্, পুজ্যে আর পাপ-উৎসর্বয়ো তর্ দরকার নেই; মাত্তর্ তর্ কধা শুনিবার কানান্ তুই মরে দুয়োচ্।

যিরমিয় 32:30

ইস্রায়েল আর যিহূদার মানুচ্চুন চিগোনত্তুন্ ধুরি মঅ চোগেদি বানা ভান্ন্যেই কাম বাদে কিচ্চু ন-গরন; ঘেচ্চেকগুরি ইস্রায়েলর মানুচ্চুনে তারার আঢে বানেয়্যে জিনিস্‌‌চোই মরে বানা অহুজি গোজ্যন্।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

মথি লেখ্যে গম্ হবর্ 9:13

‘মুই দোয়্যে দেগিবাত্তে চাং, য়েমান্-উৎসর্ব নয়’-পবিত্র বোইবোত্ এ কধাগানর্ অত্ত কি, সিয়েন যেইনে তোগেইনে নিগিলো। যিগুন্ ধার্মিক তারারে মুই ডাগিবাত্তে ন-এজং, বরং পাপীগুনোরে ডাগিবাত্তে এচ্চ্যং।”

মার্ক 12:33

আর বেক্ রিবেঙান্, বেক্ বুদ্ধিগান আর বেক্ বলান্দোই তারে কোচ্‌‌পানা আর পাড়াল্যেগুনোরে নিজো ধোক্ক্যেন কোচ্‌‌পানা য়েমান আহ্ অন্য বেক্ উৎসর্বত্তুন্ বোউত্ বেশ্ দরকারী।”

দ্বি’লম্বর বিররণ 17:3

তে অয়ত মর্‌ উগুমোর বিরুদ্ধে যেইনে দেব-দেবেদাগুনোরে সেবা গরের্‌ আর সেই বেক্‌ দেব-দেবেদা বা বেল্লো, চাঁনান্ বা আগাজ্‌ তারাগুনোরে পূজো গরের্‌।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।