যিরমিয় 7:21 - Chakma Bible

²¹ ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, তমা অন্য উৎসর্বগুনো সমারে তুমি পুজ্যে-উৎসর্বর অনুষ্ঠান গুরিনে সিয়েনর য়েরাগান্‌অ ন-খঅ কিত্তে?

যিরমিয় 7:21 Iomraidhean Croise

গীতসংহিতা 50:8

তর্ য়েমান্-উৎসর্বলোই মুই তরে দুষি ন-গরঙর্; তর্ পুজ্যে-উৎসর্বয়ানি আমিঝে দঅ মঅ মুজুঙোত্ আঘে।

যিশাইয় 43:23

পুজ্যে উৎসর্বত্তে তুই মইদু ভেড়া ন-আনচ্ আর তর্ কনঅ উৎসর্বলোই মরে সর্মান ন-দেগাজ্। মুই তঅ উগুরে শোজ্য-উৎসর্বর্ ভারান্ ন-দুয়োং; লোবান দিবাত্তে তরে বল্‌‌‌‍পোজ্যে ন-গরং।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

দ্বি’লম্বর বিররণ 12:27

তমার গোজেন লগেপ্রভুর ডালিপূজোবো উগুরে তুমি তমার পুজ্যে-উৎসর্বর য়েরা আর লো-গানি উৎসর্ব গুরিবা। তমার গোজেন লগেপ্রভুর পূজোবোর কিয়্যেগানত্‌ তমার উৎসর্ব গোজ্যে য়েমানর লো-গানি উৎসর্ব গরা পুরিবো, মাত্তর্‌ সিয়েনর্‌ য়েরাগান তুমি হেই পারিবা।