যিরমিয় 7:19 - Chakma Bible

¹⁹ মাত্তর্ ইয়েনি গুরিনে কি তারা মরে দুঘ্ দেদন্? আজলে তারা দঅ নিজো উগুরে লাজ্ পানাগান ডাগি আনদন্ আর নিজোরে দুঘ্ দেদন।”

যিরমিয় 7:19 Iomraidhean Croise

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

ইয়োব 35:6

তুই যুনি পাপ গরচ্ সালে গোজেনর কি অয়? তর্ অন্যেয়ানি যুনি ভুরি ভুরি জমা অয় সেক্কেনে বা তার কি মাধা গামানা?

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিরমিয় 15:9

সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিরমিয় 2:17

তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যিরমিয় 22:22

বোইয়্যেরানে তর্ বেক গরগ্‌‌কুনোরে লোড়েই নেযেব আর তঅ লাঙুনে বন্দি ওইনে দূরোত্ যেবাক। সেক্কে তুই তর্ বেক পাজিগানিত্তে লাজত্ আর অগমান্ পেবে।

যিরমিয় 25:7

ইক্কিনে লগেপ্রভু কোইয়্যেদে, মাত্তর্ তুমি মঅ কধাগান ন-শুনো। সিয়েনর বদলে তমা আঢর্ বানেয়্যে জিনিস্‌‌চোই মরে বেজার্ গুরিনে নিজো উগুরে অমংগল ডাগি আন্য।

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 44:3

সিয়েন ওইয়্যেদে তারার পাজিগানির কারনে, কিত্তে তারা দেব-দেবেদাগুনো মুজুঙোত্ আগর্‌বাট্টি জ্বালেইনে আর তারারে পূজো গুরিনে মরে অমকদ রাগ্ তুলি দুয়োন। সে দেব-দেবেদাগুনোর্ কধা তারায়ো হবর্ ন-পেদাক্, তুমিয়ো হবর্ ন-পেদা বা তমা পুরোণি মানুচ্চুনেয়ো হবর্ ন-পেদাক্।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিরমিয় 9:19

সিয়োনত্তুন এ আবিলেচর্ কধাগান শুনো যার্, “আমি কেধোক্ক্যেন গুরি ভস্ত ওই গেলং! কেধোক্ক্যেন গুরি এত্তমান লাজত্ পড়িলোং! আমা ঘরানি ভস্ত ওই যেইয়্যে, সেনত্তে আমাত্তুন দেজ্ ছাড়িনে যাহ্ পুরিবো।”

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।