যিরমিয় 7:18 - Chakma Bible

¹⁸ পুয়ো-ছাগুনে দার্‌বো কুড়োন, বাব্‌‌‍‌‍পুনে আগুন জ্বালান্ আর মিলেগুনে মোয়দ্যে মেগন্ আর আগাজ-রানির নাঙে পিধে বানান্। মরে দুঘ্ দিবাত্তে তারা দেব-দেবেদার নাঙে ঢাল্যে-উৎসর্বর অনুষ্ঠান গরন।

যিরমিয় 7:18 Iomraidhean Croise

১ রাজাবলী 14:9

তঅ আগেন্দি যিগুনে এলাক্‌ তুই তারাত্তুনো বেশ্‌ ভান্ন্যেই কাম্‌ গোজ্যস্‌। তুই নিজোত্তে দেব-দেবেদা বানেয়োচ্‌ আর গোলেইনে মূত্তি বানেয়োচ্‌। তুই মরে অহুজি গুরি তুল্যচ্‌ আর মরে তঅ পিজেন্দি ফেলেই রাগেয়োচ্‌।

১ রাজাবলী 16:2

“ও বাশা, মুই তরে ধূল্যেত্তুন্‌ তুলি আনিনে মঅ মানুচ্‌ ইস্রায়েলীয়গুনোর নেতা বানেয়োং। মাত্তর্‌ তুই যারবিয়ামর্‌ পধেন্দি যর্‌ আর মঅ মানুচ্‌ ইস্রায়েলীয়গুনোরে দিইনে পাপ গোরেয়োচ্‌ আর সে পাপর্‌ কারণে মরে বেজার্ গোজ্যচ্‌।

গীতসংহিতা 16:4

যিগুনে দেবেদাগুনোরে বক্‌শীজ্ দিইনে নিজোর্ গুরি নেযান্ তারার্ দুখ্‌কানি বাড়িবো। তারা লোর্ যে ঢালন-উৎসর্ব গরন মুই সিয়েন্ ন-গরং; দেবেদাগুনোর্ নাঙানিয়ো মুই মুয়োত্ ন-আনিম।

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিশাইয় 57:6

ও ইস্রায়েল, তুই লাঙেল সং পাত্তরুন্ পূজো গরচ্; সিগুন, সিগুনই তর্ সোম্বোত্তি। অয়, সিগুনো ইদু তুই ঢাল্যে-উৎসর্ব ঢালি দুয়োচ্ আর শোজ্য-উৎসর্ব গোজ্যস্। ইয়েনি দেগিনে কি মুই জুরো গুরি থেম্?

যিশাইয় 65:11

মাত্তর্ তুমি যিগুনে লগেপ্রভুরে ছাড়ি যেইয়ো আর মর্ সুদ্ধো-সাংগ মুড়োবোরে ভুলি যেয়ো, যিগুনে ভাগ্যদেবর্ নাঙে টেবিল সাজেয়ো আর ভাগ্যদেবীর নাঙে মিজেয়ো পিলে ভোরেয়ো,

যিশাইয় 65:3

সেই মানুচ্চুনে মঅ মুয়োমি ওইনে মরে নিত্য কাঙেলেত্যে গোজ্যন্; তারা বাগানত্ উৎসর্বর অনুষ্ঠান গত্তন্ আর ইটো উগুরে আগর্‌বাট্টি জ্বালাদন্।

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 17:2

ডেলা-পাদা ছোড়েয়্যে য়েল্ গাজর্ তলে অজল্ অজল্ মুড়ো উগুরে তারার পুজো আশেরা-মূত্তিগুন তারার পুয়ো-ছাগুনো ইধুয়ো গম্।

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 25:7

ইক্কিনে লগেপ্রভু কোইয়্যেদে, মাত্তর্ তুমি মঅ কধাগান ন-শুনো। সিয়েনর বদলে তমা আঢর্ বানেয়্যে জিনিস্‌‌চোই মরে বেজার্ গুরিনে নিজো উগুরে অমংগল ডাগি আন্য।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 44:25

ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কোইয়্যে, তুমি কোইয়্যেদে, আগাজ-রাণী নাঙে আগর্‌বাট্টি জ্বালেবার আর পানীয়-উৎসর্বর অনুষ্ঠান গুরিবার যে শমক্‌কান্ তুমি গোজ্য সিয়েন তুমি হামাক্কায় পালেবা। তমা সে এগেম্ মজিম্ তুমি আর তমা মিলেগুনে কাম্‌‌‌বোই সিয়েনি দেগেয়্যে। “সেনত্তে তুমি যিয়েনি এগেম্ গোজ্য সিয়েনি গরঅ। তমা শমক্কানি রোক্ষ্যে গরঅ।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

যিরমিয় 7:17

তুই কি ন-দেগর্ তারা যিহূদার শঅরানিত্ আর যিরূশালেমর পধে পধে কি গত্তন্?

আবিলেচ্ 5:13

গাবুজ্যেগুনোর্ মিশিন্ ঘুরেইনে কাম্ গরা পড়ের্; চিগোন্ পুয়োগুনে তক্তার্ ভরে উজোত্ খাদন্।

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

দ্বি’লম্বর বিররণ 32:16

দেবেদা পূজোলোই তার মানুচ্চুনে তার পাওনা ভোক্তির আওজর্ আগুনান্ লাগেলাক্, ভান্ন্যেই মূত্তি পূজোলোই তার রাগ্‌কান জাগেলাক্।

দ্বি’লম্বর বিররণ 32:21

গোজেন নয় এধোক্ক্যেন দেবেদারে পূজো গরন তারা মর্ পাওনা ভোক্তির আওজ্‌চোই আগুন লাগেয়োন; দাঙর্‌ মূত্তি পূজো গরন্‌ তারা মর্‌ রাগ্‌কান জাগেই তুল্যন্। জাদঅ নয় এধোক্ক্যেন জাদর্‌ আদত্‌ ফেলেইনে মুইয়ো তারার মনর্ আগুনান্‌ জ্বালেম; এক্কো অবুঝুনো জাদর্‌ আদত্‌ ফেলেইনে তারার রাগ্‌কান জাগেবং।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।