যিরমিয় 7:16 - Chakma Bible

¹⁶ লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

যিরমিয় 7:16 Iomraidhean Croise

২ শমূয়েল 8:18

যিহোয়াদার পূঅ বনায় এলদে দায়ূদোর কিয়্যে রোক্ষ্যেগুরিয়্যে করেথীয় আর পলেথীয়গুনোর নেতা, আর দায়ূদোর পূঅগুনে এলাক্ রাজার সল্লাদিয়্যে ধর্মগুরু।

যাত্রা 32:10

তুই মরে মানা নঅ গুরিচ্‌। তারা বিরুদ্ধে মর্‌ রাক্কান্‌ আগুনো ধোক্ক্যেন জুলিবো। মুই তারারে ভস্ত গুরি ফেলেম্‌। সে পরেন্দি তমা ভিদিরেত্তুন্‌ মুই এক্কো দাঙর্‌ জাত্‌ সৃট্টি গুরিম্‌।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিরমিয় 11:14

এ মানুচ্চুনোত্তে তুই কনঅ তবনা ন-গুরিচ্ বা তারাত্তে কনঅ কোজোলী ন-গুরিচ্, কিত্তে তারার দুঘোর্ সময় তারা মরে ডাগিলে মুই ন-শুনিম।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

যিরমিয় 15:6

মুই লগেপ্রভু কঙর্, তুই মরে ছাড়ি যেইয়োচ্, তুই উগুদো পধেদি যেইয়োচ্। সেনত্তে মুই তইন্দি আত্ বাবেইনে তরে ভস্ত গুরিম; মুই আর মেয়্যে গুরি ন-পারং।

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 7:17

তুই কি ন-দেগর্ তারা যিহূদার শঅরানিত্ আর যিরূশালেমর পধে পধে কি গত্তন্?

মীখা 3:4

সময় এজের্ যেক্কে তুমি লগেপ্রভু ইধু কানাকুদি গুরিবা, মাত্তর্ তে তমারে জোব্ ন-দিবো। সে অক্তত্ তে তমাত্তুন্ নিজো মুয়োন্ ফিরেই রাগেব, কিত্যে তুমি ভান্ন্যেই কাম গোজ্য।

দ্বি’লম্বর বিররণ 9:14

না, তুই মরে মানা ন-গুরিচ্‌; মুই তারারে ভস্ত গুরি ফেলেম্‌ আর পিত্‌থিমীত্তুন্‌ তারার্‌ নাঙানি তুলি ফেলেম্‌। সে পরেন্দি তর্‌ মাধ্যমে মুই আরঅ বোলী আর দাঙর্‌ এক্কো জাদর্‌ সৃট্টি গুরিম্‌।

১ যোহন 5:16

যুনি কেঅ তা ভেইয়োরে এন্‌ গুরি পাপ গত্তে দেগে যিয়েন মরেদে ধোক্ক্যেন নয়, মাত্তর্ তে গোজেন ইধু মাগি চেবঅ আর সেক্কে তে তারে বাজেই রাগেব। মুই ইয়েনত্ তারা কধা কঙর্ যিগুনে পাপ গত্তন্ অদচ তারার্ পাপ্পানি মরেদে ধোক্ক্যেন নয়। মাত্তর্ মরেদে ধোক্ক্যেন পাপ্অ আঘে। সে পৌইদ্যেনে কোজোলি গুরিবার কধা মুই তমারে ন-কঙর্।